ASNN – Majlinda Kelmendi ka fituar edhe një titull në karrierën e saj. Xhudistja pejane, edhe në nivel klubesh, po korr suksese të mëdha.
Duke garuar për turqit e Gallatasarajit, ajo fitoi titullin në Ligën e Artë të Evropës në Xhudo.
Kelmendi triumfoi në tri duele duke dhënë kontributin më të madh për këtë sukses të klubit turk.
Ky triumf i pejanes vjen pak ditë, pasi ajo u shpall xhudistja më e mirë në botë për vitin 2014, ku mori nga Federata Ndërkombëtare e Xhudos edhe çekun prej 50,000 dollarësh.
