Të enjten e të premten luhen ndeshjet e para të 5 finaleve të parashikuar për titull, atje ku kampionia do të shpallet pas tre ndeshjeve të fituara. Tirana, apo përsëri Studenti dhe Barleti Volej? Kjo është dilema. Kështu, volejbolli shqiptar është gati për të luajtur “vallen e shpatave”, sepse tashmë ka arritur në kulmin e fundsezonit.
Studenti-Tirana dhe Barleti Volej-Tirana janë çiftet që do të luajnë për titull “kampion”, kjo pas përfundimit pa shumë rivalitet të gjysmëfinaleve të “play-off”-it. Studenti ka eliminuar Farka Volejin, Tirana Vllazninë, Barleti Volej Teutën dhe Tirana Skënderbeun në ndeshjen ku të katër pretendentët nuk është se e kanë provuar forcën e tyre realisht.
Janë ndeshur me njëra-tjetrën në sistemin vajtje-ardhje dhe në përgjithësisht edhe ndarjen e sukseseve i kanë barazim. Kështu, për meshkuj, në fazën e dytë dhe të tretë, Studenti ka fituar 3-0 me Tiranën dhe ekipi bardheblu është përgjigjur me të njëjtën monedhë.
Në të njëjtat kushte janë dhe femrat. Ka fituar në fundin e fazës së parë Barleti Volej 3-1 me Tiranën, por kështu ka fituar dhe Tirana në fundin e fazës së dytë. E parë kështu finalistët e sivjetmë nuk kanë diferenca të mëdha. Për të mos thënë janë “50/50” mundësitë që të jenë “kampione” të dy kundërshtarët.
Kampionati Kombëtar
i Volejbollit – Meshkuj
Programi i finaleve të “play-off”-it
për titullin “kampion”
Meshkuj
21 prill Studenti – Tirana ora 19:00
24 prill Tirana – Studenti ora 19:00
27 prill Studenti – Tirana ora 19:00
30 prill Tirana – Studenti ora 19:00
(nëse do të jetë e nevojshme)
3 maj Studenti – Tirana ora 19:00
(nëse do të jetë e nevojshme)
Kampionati Kombëtar
i Volejbollit – Femra
Programi i finaleve të “play-off”-it
për titullin “kampion”
22 prill Barleti Volej – Tirana ora 19:00
25 prill Tirana – Barleti Volej ora 18:00
28 prill Barleti Volej – Tirana ora 18:00
1 maj Tirana – Barleti Volej ora 18:00
(nëse do të jetë e nevojshme)
4 maj Barleti Volej – Tirana ora 18:00
(nëse do të jetë e nevojshme)
