Himara, Vllaznia, Partizani dhe Vlora Volej presin ndeshjet e sotme për të përcaktuar fatin e tyre nëse do të jenë në gjysmëfinale, apo jo. Kabuci, Milo dhe Ligaj talentet që spikasin. Ndeshjet e para të turit çerekfinal në Kampionatin Kombëtar të Volejbollit për Të Rejave kanë qenë plot rivalitet, ndërsa pas ditës së parë Himara, Vllaznia, Partizani dhe Vlora Volej presin takimet e sotme për të mësuar fatin e tyre nëse do të jenë apo jo në gjysmëfinale.

Ajo që bie në sy është fakti se ka pasur edhe interesim të trajnerëve të skuadrave të para. Sidomos të Barletit Volej, Hasan Gurabardhi, i cili prej kohësh ndjek Kabucin dhe Milon e Himarës. Dy lojtare që binin direkt në sy për talentin e tyre, por në të tilla kushte ishte dhe Ligaj e Vlora Volejit, pavarësisht se kjo skuadër nuk ka rezistuar deri në fund. Veçanërisht në ndeshjen ndaj Vllaznisë, kur ishte në epërsi 2-0. Për Partizanin ajo që mund të thuhet është se duhet të ishte më dominuese ndaj rivalëve në këtë grup.

Kjo dhe për faktin se një pjesë e mirë e lojtareve të skuadrës së kuqe janë pjesë e ekipit të parë. Kanë luajtur dhe kanë provuar presionin e garës të së rriturve dhe si të tilla nuk duhet ta kishin problem për të mundur skuadrat që kanë përballë me të rejat. Aq më tepër që luhej në sallën Nr. 2 të Pallatit të Sportit “Asllan Rusi”. Por ndodh dhe kështu. E ndërkohë nuk kanë munguar as tensionet.

Kampionati Kombëtar

i Volejbollit – Të Reja

Kalendari i çerekfinaleve:

Grupi C

(“Ramazan Njala”, Durrës)

Dita e parë

(23 prill 2016)

Teuta – Skënderbeu                        3-1

Tirana – Skënderbeu           3-1

Apolonia – Teuta                  3-1

Renditja

Nr.       Skuadra        N.        F.         H.        Setet               Pikë

1. Teuta 2          1          1          4-4                  4
2. Apolonia 1          1          0          3-1                  3
3. Tirana 1          1          0          3-1                  3
4. Skënderbeu 2          0          2          2-6                  2

Dita e dytë

(24 prill 2016)

Tirana – Apolonia                ora 10:00

Apolonia – Skënderbeu     ora 11:30

Teuta – Tirana                      ora 13:00

Grupi D

(“Asllan Rusi”, Tiranë)

Dita e parë

(23 prill 2016)

Himara – Partizani               3-0

Vllaznia – Vlora Volej          3-2

Partizani – Vlora Volej        3-1

Renditja

Nr.       Skuadra        N.        F.         H.        Setet               Pikë

1. Himara           1          1          0          3-0                  3
2. Vllaznia         1          1          0          3-2                  3
3. Partizani        2          1          1          3-4                  3
4. Vlora Volej     2          0          2          3-6                  2

Dita e dytë

(24 prill 2016)

Himara – Vllaznia                ora 10:00

Vllaznia – Partizani             ora 11:30

Vlora Volej – Himara           ora 13:00