Shqipëria në hedhjen e shortit të Ligës së Evropës dje në Luksemburg është përfaqësuar nga Zëvendëspresidenti i Federatës Shqiptare të Volejbollit, Dashamir Brari, dhe Sekretari i Përgjithshëm i saj, Albens Vokopola. Por ndërkohë kontaktet kanë qenë të vazhdueshme me presidentin e Federatës Shqiptare të Volejbollit, Erlind Pëllumbi.

Ky i fundit, duke folur për “Sport Ekspres” ka dhënë këtë koment: “Për ne është nder që do të organizojmë të dy veprimtaritë, si për femra, ashtu dhe për meshkuj. Shpresojmë shumë që të inaugurohet Salla Sportive e Parkut Olimpik të Tiranës dhe të luajmë atje, sepse do të ishte një vlerë e shtuar kjo veprimtari. Ndërkohë pretendimi ynë është që të kualifikohemi.”

“Për femra e njohim Bjellorusinë, kurse Finlanda e Austria janë të panjohura për ne. Për meshkuj me Maqedoninë kemi qenë shumë pranë fitores atje, kurse Suedinë nuk e njohim. Megjithatë me të gjitha përgatitjet që do të bëjmë, jo vetëm në organizim, por dhe në përgatitjen e ekipeve kombëtare, shpresojmë që të marrim një rezultat për t’u mbajtur mend”, – ka përfunduar kreu i organizmit që qeveris rrjetën shqiptare, Erlind Pëllumbi.

Shorti i Ligës së Evropës 2017

Volejboll – Meshkuj:

Grupi A:

Nr.       Skuadra

1. Maqedonia
2. Suedia
3. Shqipëria

Grupi B:

Nr.       Skuadra

1. Danimarka
2. Ukraina
3. Hungaria
4. Izraeli

Shorti i Ligës së Evropës 2017

Volejboll – Femra

Grupi A:

Nr.       Skuadra

1. Bjellorusia
2. Finlanda
3. Austria
4. Shqipëria

Grupi B:

Nr.       Skuadra

1. Franca
2. Ukraina
3. Mali i Zi
4. Gjeorgjia

Grupi C:

Nr.       Skuadra

1. Sllovakia
2. Spanja
3. Portugalia
4. Suedia