Erli Pëllumbi, presidenti i Federatës Shqiptare të Volejbollit, menjëherë pas përfundimit të mbledhjes në Federatën Evropiane në Luksemburg ka shprehur mendimin e tij për këtë short. “Së pari, edhe në takimin që kam pas me presidentin Boriçiç, na janë shprehur konsideratat për rrugën e mbarë dhe “gurin” që kemi vënë në pjesëmarrjen në veprimtaritë ndërkombëtare”, – ka thënë ai.
“Së dyti, duke luajtur në Bullgari dhe Maqedoni për meshkuj, të paktën janë afër dhe nuk kanë shumë shpenzime financiare, – ka vijuar kreu i organizmit që qeveris rrjetën shqiptare. – E së treti unë mendoj që kemi mundësinë për shprehjen e një vlere pozitive të volejbollit qoftë për meshkuj, ashtu dhe për femra, ndonëse kundërshtarët janë të vështirë.”
“Duke qenë se ne jemi organizatorët e grupit për femra, atëherë jo vetëm që do të kërkojmë paraqitjen e një imazhi ndryshe të volejbollit në organizim, po pse jo dhe të një paraqitjeje dinjitoze në arenën ndërkombëtare, – ka theksuar . Dhe ajo që është shumë e rëndësishme kështu zgjidhëm dhe ngërçin që ishte krijuar, apo dhe merakun e lojtarëve e ish-lojtarëve për mospjesëmarrjen e kombëtares në arenën ndërkombëtare.”
“Dhe ja ku jemi duke vënë një gurë të rëndësishëm për pjesëmarrjen e kombëtares në arenën ndërkombëtare”, – ka përfunduar Presidenti i Federatës Shqiptare të Volejbollit, Erli Pëllumbi, në një telefonatë direkte nga Luksemburgu për të përditshmen sportive shqiptare, “Sport Ekspres”.
Liga e Evropës
Volejboll – Meshkuj
Grupi A
(10-12 qershor në Bullgari,
17-19 qershor në Maqedoni)
Nr. Ekipi
- Bullgaria
- Maqedonia
- Danimarka
- Shqipëria
Liga e Evropës
Volejboll – Femra
Grupi A
(3-5 qershor në Poloni,
17-19 qershor në Shqipëri)
Nr. Ekipi
- Polonia
- Bjellorusia
- Sllovakia
- Shqipëria
