Në prag të ndeshjes, trajneri i Vllaznisë, Mark Krroqi, pat deklaruar se “keni për të parë ndeshje të bukur”. Dhe ka pasur të drejtë sepse të tijtë, mbështetur fort tek vëllezërit Nikolin dhe Anton Qafarena, por dhe serbi Xhorxheviç, e kanë detyruar Farka Volejin që të dorëzohet pa kushte. Në fakt Vllaznia e ka nisur mirë ndeshjen, teksa në setin e parë është në epërsi 8-5 në pushimin e parë teknik. E më pas Farka Volej ka kthyer në 15-16, 16-19, 17-22 dhe 18-25.

Vllaznia mbledh veten dhe përmbys në setin e dytë pas disavantazhin në pushimin e parë teknik 7-8. 10-9, 16-12, 19-13, 23-19 dhe 25-20 për shkodranët. Në të tretin dhe në të katërtin, jo vetëm që janë në udhëheqje të rezultatit, por fitojnë 25-22 dhe 25-17 dhe krejt ndeshjen 3-1. Për t’u evidentuar është se në setin e katërt është ndëshkuar me karton të kuq trajneri i Farka Volejit, Dritan Bardhi, për protesta. Pikëshënuesi më i mirë i ndeshjes është Xhorxheviç i Vllaznisë me 17 pikë.

Ai është i ndjekur nga Qepa i Farka Volejit me 16 pikë, si dhe Nikolin dhe Anton Qafarena me nga 12 pikë, apo dhe Koçi i Farka Volejti, me 11 pikë. Në bllok ka dalë fitues Koçi i Farka Volejit, me 3 mure të suksesshme, i ndjekur nga Rrashketa, Nikolin Qafarena, Anton Qafarena, Deliu e Mimani, me nga dy mure të sakta. Në shërbim është dalluar Anton Qafarena, me 4 shërbime të sakta, i ndjekur nga Mimani i Farka Volejit me 3 të tillë.

Në total në katër sete Vllaznia ka shënuar 93 pikë prej të cilave 74 pikë vetë, kurse 19 pikë kanë ardhur nga gabimet e Farka Volejit. Në anën tjetër Farka Voleji në 4 sete ka shënuar 84 pikë prej të cilave 54 pikë vetë, kurse 30 pikë, me një mesatare 7.5 pikë për set, janë të falura nga Vllaznia. E megjithatë Vllaznia e bëri surprizën dhe me shumë meritë është në finale.

Vllaznia – Farka Volej          3-1

(18-25, 25-20, 25-22, 25-17)

Vllaznia: Rrashketa, N. Qafarena, Xhorxheviç, A. Qafarena, Kola (L), Çekini, Gjoklaj / Drinasi, Lloshi. Trajner: M. Kroqi

Farka Volej: Bajrami, Qepa, Metani, Koçi, Deliu, Mimani, Topçiu (L) / Vllaçaj, Xhajkone. Trajner: D. Bardhi

Gjyqtarë: R. Omari, T. Zguri (Tiranë)

Ndihmës: K. Tota, A. Nurja (Tiranë)

Kupa e Shqipërisë

Volejboll – Meshkuj

Kalendari i fazës finale:

Gjysmëfinalet:

(2 mars 2017)

1)         Partizani – Erzeni                            3-0

2)         Vllaznia – Farka Volej                     2-1

Finalja

(3 mars 2017)

Partizani – Vllaznia                          ora 18:00