ASNN – Sipas asaj që raportojnë mediat e Kosovës, Vllaznia është shpallur fituese e Kupës së Flamurit në volejboll për meshkuj, që u mbajt në Kërçovë, ndërsa në finale ka mundur 3-2 Shutovën.
Madje skuadra e trajnerit dhe shefit të klubit, Mark Kroqit, ka pasur dhe lojtarin më të mirë të turneut, që ishte Anton Qafarena. Në gjysmëfinale të dielën, Vllaznia pat mundur 2-0 Lubotenin e Ferizajt.
Kurse Shutova e Kërçovës 2-0 Drenicën e Skënderajt. Përgjithësisht një ballafaqim i mirë i Vllaznisë, e cila reflektohet dhe me vendin e tretë në fund të fazës së parë në kampionatin e meshkujve.
