ASNN – Java e 5-të e Kampionatit Kombëtar të Volejbollit për Meshkuj nisi të premten me një ndeshje që u luajt në Shkodër, në Pallatin e Sportit “Qazim Dervishi”, midis Vllaznisë vendase dhe Elbasanit. Për shkodranët kjo ndeshje ishte formalitet, duke fituar bindshëm dhe me meritë 3-0.

Ishte nga ato përballje ku vendasit jo vetëm nuk e diskutuan fitoren, por njëherësh konfirmohen si ekipi favorit për titullin. Shkodranët kanë cilësi, kanë përgatitje të mirë fizike dhe bëjnë diferencë. Këtë e dëshmon më mirë fakti se arritën fitoren e katërt radhazi.

Dhe tani ndodhen në kuotën e 11 pikëve, me një setaverazh 12-3 në krye të renditjes, duke pasur shqetësimin vetëm të Erzenit i cili ndodhet në vend të dytë me 11 pikë, me setaverazh 11-4. Vlen të theksojmë se Elbasani nuk është aspak mirë këtë edicion, sepse, të shtunën në Shkodër, kjo skuadër regjistroi humbjen e 5-të radhazi.

Po kështu ka edhe një setaverazh 1-15, tregues mjaft të dobët që flasin për një skuadër me probleme, pa cilësi dhe në vështirësi serioze. Kujtojmë se këtë të dielë, në volejbollin e meshkujve, në kuadër të javës së 5-të, do të luhen dy takime, ai ndërmjet Studentit dhe Farkës që që luhet në orën 17:00.

Por edhe takimi derbi i kryeqytetit, Partizani-Tirana, që luhet në orën 19:00 në Pallatin e Sportit “Asllan Rusi”. Ndeshja tjetër e kësaj jave, ajo mes Erzenit dhe Teutës, luhet më 31 tetor në orën 19:00, në Arenën Sportive “Dhimitraq Goga” në Durrës. Kurse Skënderbeu, për efekt kalendari e ka pushim këtë javë.

Kampionatit Kombëtar

i Volejbollit – Meshkuj

Java e 5-të

Të premten, 26 tetor 2018:

Vllaznia – Elbasani              3-0

(25-21, 25-22, 25-17)

Të shtunën, 27 tetor 2018:

Studenti – Farka Volej         (17:00)

Pallati i Sportit “Asllan Rusi”, Tiranë

Partizani – Tirana                 (19:00)

Pallati i Sportit “Asllan Rusi”, Tiranë

Skënderbeu                          pushim

E mërkurë, 31 tetor 2018:

Erzeni – Teuta                       (19:30)

Arena Sportive “Dhimitraq Goga”, Durrës

Renditja

Nr.       Skuadra         N.        F.         H.        Pikë

1. Vllaznia         4          4          0          11
2. Erzeni                        4          3          1          10
3. Skënderbeu  4          3          1          10
4. Tirana             4          3          1            8
5. Studenti         4          1          3            6
6. Farka Volej    3          1          2           3
7. Partizani        3          1          2            3
8. Elbasani        5          0          5            0
9. Teuta              3          0          3            0