Ndeshja Tirana-Vllaznia ka qenë më e bukura e ditës, kjo dhe për shkak të përmbysjeve të rezultatit që erdhi nga të dy skuadrat. Një ndeshje që është ndjekur jo vetëm nga Presidenti i Federatës Shqiptare të Volejbollit, Erlind Pëllumbi, apo dhe anëtari i kryesisë Dashamir Brari dhe Sekretari i Përgjithshëm, Albens Vokopola, por dhe nga shefi i klubit shumësportësh “Vllaznia”, Mark Krroqi, së bashku me Ardian Zaganjorin ish-drejtorin ekzekutiv të klubit të futbollit “Vllaznia”.

Dhe në përgjithësi të gjithë kanë dalë nga Pallati i Sportit “Asllan Rusi” se ky është niveli i volejbollit shqiptar, shumë cilësor dhe i lartë për meshkujt. Vllaznia edhe pse ka luajtur pa organizatorin Tatar, me një gjendje shëndetësore jo të mirë, ia ka arritur që të fitojë dy setet e para me të njëjtin rezultat 21-25. Por vetëm kaq. Tirana kthehet si një “bishë” e tërbuar në fushën e lojës dhe duke shfrytëzuar dhe lodhjen e Vllaznisë, që të shtunën kishte luajtur në kampionat ndaj Teutës në Durrës.

Ndërsa bardheblutë kanë qenë pushim, arrin të përmbysë. Madje me rezultate me diferencë të mëdha në pikë, 25-10 dhe 25-15. Mirëpo finalja është e shkodranëve që në ndërrimin e fushave janë në epërsi 5-8 e më pas 6-10 dhe në fund 7-15 dhe 3-2 për Vllazninë, që kështu mban kreun. Pikëshënuesi më i mirë i ndeshjes është Ferhati i Tiranës me 20 pikë i ndjekur nga Anton Qafarena i Vllaznisë me 17 pikë, si dhe Rama i Tiranës me 15 pikë dhe Nikolin Qafarena i Vllaznisë e Xhabrahimi i Tiranës me 13 pikë.

Në bllok ka dalë fitues Pepa i Tiranës me 4 mure të sakta i ndjekur nga Baruti i Tiranës me 3 mure të sakta. kurse në shërbim Jukni, Nikolin Qafarena dhe Rrashketa të Vllaznisë me 3 të sakta. Në total Tirana në 5 sete ka shënuar 99 pikë prej të cilave 73 vetë, kurse 26 pikë kanë ardhur nga gabimet e Vllaznisë. Në krahun tjetër Vllaznia në 5 sete ka pasur 90 pikë të shënuar në total nga të cilat 70 vetë, kurse 20 pikë kanë ardhur nga gabimet e bardhebluve, të cilët ndoshta nuk e kanë merituar humbje.

Por ja që Vllaznia nuk di të dorëzohet dhe ta lëshojë kreun edhe kur është në vështirësi.

Tirana – Vllaznia                               2-3

(21-25, 21-25, 25-10, 25-15, 7-15)

Tirana: Xhabrahimi, Xhija, Kula, Rama, Ferhati, Pepa, Kasemi (L) / Batalli, Baruti, Kupi, Arapi. Trajner: I. Koja

Vllaznia: A. Qafarena, Jukni, N. Qafarena, Çekini, Rrashketa, R. Kola (L), Miloti / Tatar, Taflaj, Preka. Trajner: A. Kalaja

Gjyqtarë: A. Shehu, Ko. Gjoka (Tiranë)

Ndihmës: E. Papamihali, A. Brokaj (Tiranë)

Kampionati Kombëtar

i Volejbollit – Meshkuj

Java e 13-të

(29 shkurt-2 mars 2016)

Të hënën:

Farka Volej – Teuta             3-1

Tirana – Vllaznia                  2-3

Skënderbeu                          pushim

Të mërkurën:

Elbasani – Studenti             (ora 18:00)

Renditja

Nr.       Skuadra         N.        F.         H.        Setet               Pikë

1. Vllaznia 12        9          3          29-17              26
2. Tirana 11        7          4          26-14              23
3. Studenti 10        8          2          26-12              22
4. Farka Volej 11        6          5          22-18              18
5. Teuta 11        6          5          23-22              17
6. Skënderbeu 11        2          9          8-28              6
7. Elbasani 10        0          10        7-30              2