Kampionët tregojnë përvojën e tyre sidomos në pikët shtesë të setit të dytë dhe të tretë. Emri i fanellës dhe vendosmëria për të marrë që prej vitesh e kanë të tyrin vazhdon ta bëjë fitues Studentin, që fitoi edhe ndeshjen e dytë ndaj Tiranës.

Pikëshënuesi më i mirë i ndeshjes është Ferhati i Tiranës me 18 pikë i ndjekur nga Troka i Studentit me 14 pikë. Në bllok ka dalë fitues Çali i Studentit me 4 mure fituese, pasuar nga Ndoni i Tiranës dhe Ivanov i Studentit me 3 mure fituese.

Në shërbim me nga një të saktë kanë qenë Pepa, Ndoni, Xhabrahimi të Tiranës dhe Malaj, Troka dhe Kristi Martiro i Studentit. Në total, në 3 sete Tirana ka shënuar 66 pikë prej të cilave 44 pikë vetë, kurse 22 pikë kanë ardhur nga gabimet e kampionëve.

Në krahun tjetër, në 3 sete, Studenti ka shënuar 78 pikë prej të cilave 62 pikë vetë, kurse 16 pikë kanë ardhur nga gabimet e Tiranës. Për t’u evidentuar tek kampionët ka qenë edhe loja e Kasës, kthyer tashmë në vendimtar për ecurinë e Studentit drejt titullit “kampion”.

Tirana – Studenti 0-3 (0-2)
(17-25, 24-26, 25-27)
Tirana: Xhija, Batalli, Pepa, Ndoni, Rama, Ferhati, Kasemi (L) / Lundra, Arapi, Kula, Xhabrahimi. Trajner: I. Koja
Studenti: Çali, Malaj, Gorenxa (L), L. Martiro, Kasa, Troka, Ivanov / K. Martiro, Muça, Kono, Tukseferi, Memia. Trajner: Y. Tomorri
Gjyqtarë: I. Fështi, E. Zenullari (Tiranë)
Ndihmës: E. Papamihali, A. Brokaj, A. Nurja (Tiranë), R. Ekmekçiu (Elbasan)

Kampionati Kombëtar
i Volejbollit – Meshkuj

Programi i finaleve të “play-off”-it
për titullin “kampion”

21 prill 2016:
Studenti – Tirana 3-1 (1-0)
(26-24, 23-25, 25-17, 25-19)

24 prill 2016:
Tirana – Studenti 0-3 (0-2)
(17-25, 24-26, 25-27)

27 prill 2016:
Studenti – Tirana ora 19:00

30 prill 2016:
Tirana – Studenti ora 19:00
(nëse do të jetë e nevojshme)

3 maj 2016:
Studenti – Tirana ora 19:00
(nëse do të jetë e nevojshme)