Tirana në volejboll për meshkuj, dje në mesditë teksa ka hapur maratonën e ndeshjeve të rrjetës në sallën Nr. 2 të Pallatit të Sportit “Asllan Rusi”, ka fituar me Skënderbeun sa “hap e mbyll sytë”. Në fakt ka pasur dhe momente kontestimi të vendimeve të gjyqtarit Kuka nga korçarët e megjithatë në fund suksesi i bardhebluve të Ilo Kojës nuk është cenuar.

8-7 pushimi i parë teknik, 11-7, 16-11, 23-18 dhe në fund të setit të parë 25-18. Përfundim që është i njëjtë dhe në setin e dytë, ndërsa Tirana ka kryesuar vazhdimisht 8-7, 11-8, 14-11, 16-14. E po kështu dhe në setin e tretë 8-7. Por në pushimin e dytë teknik të këtij seti është Skënderbeu në epërsi 15-16. Mandej përmbys Tirana në 21-19 dhe në fund të setit të tretë 25-20 dhe krejt ndeshja 3-0.

Pikëshënuesi më i mirë i ndeshjes Gega i Tiranës me 14 pikë i ndjekur nga Ferhati i Tiranës me 11 pikë. Në bllok ka dalë fitues Musaka i Skënderbeut me 4 mure të suksesshme, i ndjekur nga Ferhati i Tiranës me 3 të tilla, kurse në shërbim është fitues Gega i Tiranës, me 5 të tilla. Në total, në 3 sete, Tirana ka shënuar 75 pikë, prej të cilave 58 pikë vetë, kurse 17 pikë kanë ardhur nga gabimet e korçarëve.

Në krahun tjetër, në 3 sete, Skënderbeu ka shënuar 56 pikë në total, prej të cilave 40 pikë vetë, kurse 16 pikë janë prej gabimeve të bardhebluve, që sidoqoftë e kanë merituar fitoren.

Tirana-Skënderbeu             3-0

(25-18, 25-18, 25-20)

Tirana: Ferhati, Ndoni, Xhija, Joanidhi (L), Gega, Gaxiri, Sotiri / Peçi. Trajner: I. Koja

Skënderbeu: Haxhillazi, Caci, Ndardhari, Shishi (L), Pira, Toska, Musaku / Dhimitri, Shëllira, Çerçizi, Lumani (L). Trajner: A. Prifti

Gjyqtarë: R. Kuka, G. Sakaj (Vlorë)

Kampionati Kombëtar

i Volejbollit – Meshkuj

Java e 5-të

(28-29 tetor 2016)

Të premten:

Studenti – Erzeni                 3-2

Të shtunën:

Tirana – Skënderbeu          3-0

Teuta – Vllaznia                   0-3

Farka Volej – Elbasani        3-0

Partizani                                pushim

Renditja

Nr.       Skuadra         N.        F.         H.        Setet               Pikë

1. Partizani        4          4          0          12-1                12
2. Farka Volej    5          4          1          13-5                12
3. Studenti         4          4          0          12-4                11
4. Tirana             5          3          2          11-7                  9
5. Erzeni                        4          2          2            9-6                  7
6. Vllaznia         4          2          2            7-7                  6
7. Skënderbeu  5          1          4            3-13                3
8. Elbasani        4          0          4            1-12                0
9. Teuta              5          0          5            2-15                0