Bardheblutë e Kojës e kanë nisur shpejt ndeshjen, ndërsa në setin e parë janë gjithnjë në epërsi, derisa e kanë përfunduar atë 25-18. E njëjta histori dhe në setin e dytë, me të njëjtin përfundim 25-18 në favor të Tiranës. Por i treti ka një nisje ndryshe për Skënderbeun, që deri në epërsi 22-23 është gjithnjë në udhëheqje të rezultatit. Rezultati është barazuar pesë herë, 23-23, 24-24, 25-25, 26-26, 27-27.

E në fund është Tirana që shënon dy pikët e arta duke e fituar setin e tretë 29-27 e në harkun kohor të një ore e nëntë minuta ka përfunduar gjithçka 3-0. Në setin e tretë ka pasur debate edhe për një pikë të Skënderbeut mes bardhebluve dhe gjyqtarëve të ndeshjes, Kuka-Dusha, sepse sipas tyre pasuesi ka ardhur nga vija e dytë. Por që pretendimi ka rënë poshtë, sepse gjyqtarët nuk kanë ndryshuar vendim.

E megjithatë në fund Tirana ka qenë fituese. Pikëshënuesi më i mirë i ndeshjes është Xhabrahimi i Tiranës me 18 pikë, i ndjekur nga Pira i Skënderbeut me 13 pikë. Në bllok kanë dalë fitues me nga dy mure fituese Kula, Baruti, Rama e Pepa të Tiranës. Në shërbim fitues është Haxhillazi i Skënderbeut me tre të sakta, pasuar nga Baruti i Tiranës me dy.

Në total në tre sete Tirana realizoi 79 pikë, prej të cilave 56 vetë, kurse 23 pikë kanë ardhur nga gabimet e Skënderbeut. Në krahun tjetër Skënderbeu në tre sete realizoi 63 pikë nga të cilat 42 pikë vetë, kurse 21 pikë kanë ardhur nga gabimet e Tiranës.

Tirana – Skënderbeu           3-0

(25-18, 25-18, 29-27)

Tirana: Batalli, Kula, Lundra, Xhija, Xhabrahimi, Baruti, Kasemi (L) / Kupi, Gega, Rama, Arapi, Pepa. Trajner: I. Koja

Skënderbeu: Haxhillazi, Sejati, Ndardhari, Pira, Museka, Shëlliza, Shishi (L) / Drinasi. Trajner: A. Prifti

Gjyqtarë: R. Kuka (Vlorë), E. Dusha (Tiranë)

Kampionati Kombëtar

i Volejbollit – Meshkuj

Java e 9-të

(17 shkurt 2016)

Vllaznia – Elbasani             3-0

Tirana – Skënderbeu          3-0

Teuta – Studenti                  2-3

Farka Volej                            pushim

Renditja

Nr.       Skuadra         N.        F.         H.        Setet               Pikë

1. Tirana 8          7          1          22-5                21
2. Vllaznia 8          6          2          18-11              17
3. Teuta 8          5          3          19-14              15
4. Studenti 7          5          2          17-10              14
5. Farka Volej 7          3          4          13-12              10
6. Skënderbeu 8          1          7          4-21              3
7. Elbasani 8          0          8          4-24              1