ASNN – Elbasani në volejboll për meshkuj nuk duket se kërkon t’i ndahet fundit të renditjes, ndërsa këtë gjë e ka pranuar edhe në javën e parë të fazës së dytë. Verdheblutë janë mundur nga Tirana në Pallatin e Sportit “Tomorr Sinani”, ndërsa suksesi për bardheblutë, të cilët vazhdojnë të jenë kryesues, ka qenë më shumë se formalitet.

Një fitore e shpejtë 0-3, aq e shpejt madje sa bardheblutë kanë pasur kohën e duhur në dispozicion për t’u kthyer në shtëpi e për të parë kryendeshjen e javës, atë mes Farka Volejit dhe Vllaznisë, që është luajtur në Sallën Sportive “Farie Hoti”, duke nisur nga ora 19:00.

Seti i parë u mbyll 19-25 për Tiranën dhe i njëjti ritëm vijoi edhe me të dytin. Janë sërish miqtë ata që fitojnë, kësaj here 17-25. Seti i tretë u luajt sa për formalitet, sepse Elbasani nuk ka më forca për të reaguar. Fitojnë bardheblutë 19-25, duke e mbyllur ndeshjen 0-3.

ELBASANI – TIRANA          0-3

(19-25, 17-25, 19-25)

ELBASANI: Çeta, Kallajxhiu, Çullhaj, Agushi, Daka, Gashi / Biba, Bakiri, Tollumi. Trajner: F. Lushnjari

TIRANA: Batalli, Kasemaj, Pepaj, Lundra, Rama, Xhija, Xhabrahimi / Gega, Kupi, Kula, Ferhati, Arapi. Trajner: I. Koja

GJYQTARË: T. Zguri, F. Muja (Tiranë)

Kampionati Kombëtar

i Volejbollit – Meshkuj

Java e 8-të

(13 shkurt 2016)

Skënderbeu – Teuta           0-3

Elbasani – Tirana                0-3

Farka Volej – Vllaznia         1-3

Studenti                                 pushim

Renditja

Nr.       Skuadra                     N.        F.         H.        Setet               Pikë

1. Tirana             7          6          1          19-5                18
2. Teuta 7          5          2          17-11              14
3. Vllaznia 7          5          2          15-11              14
4. Studenti 6          4          2          14-8                12
5. Farka Volej             7          3          4          13-12              10
6. Skënderbeu 7          1          6          4-18              3
7. Elbasani 7          0          7          4-21              1