ASNN – Teuta ka fituar ndaj Skënderbeut, por ka pasur vështirësi, sepse korçarët janë munduar të bëjnë surprizën. Mirëpo në pikët e fundit durrsakët kanë treguar më shumë përvojë.

Dy të parët i kanë fituar 21-25 dhe 22-25, kurse në të tretin janë kërkuar pikët shtesë. Pas pesë barazimesh nga 24-24 deri në 28-28, durrsakët ia kanë dalë që të fitojnë 30-28 dhe krejt ndeshjen 3-0.

Ajo që ka ngatërruar të gjithë dje në Korçë, veçanërisht gazetarët, ka qenë ndërrimi i orës së ndeshjes. Sepse në kalendar ka qenë e parashikuar për në orën 15:00, kurse me marrëveshjen e të dy skuadrave është luajtur në ora 12:00.

Kjo gjë është miratuar edhe nga Federata Shqiptare e Volejbollit. Por, edhe kështu, ndoshta krejtësisht në heshtje dhe pa e parë njeri, Teuta ia ka dalë të jetë fituese ndaj Skënderbeut në Korçë.

Skënderbeu – Teuta                        0-3

(21-25, 22-25, 28-30)

Kampionati Kombëtar

i Volejbollit – Meshkuj

Java e 8-të

(13 shkurt 2016)

Skënderbeu – Teuta           0-3

Elbasani – Tirana                0-3

Farka Volej – Vllaznia         1-3

Studenti                                 pushim

Renditja

Nr.       Skuadra                     N.        F.         H.        Setet               Pikë

1. Tirana             7          6          1          19-5                18
2. Teuta 7          5          2          17-11              14
3. Vllaznia 7          5          2          15-11              14
4. Studenti 6          4          2          14-8                12
5. Farka Volej             7          3          4          13-12              10
6. Skënderbeu 7          1          6          4-18              3
7. Elbasani 7          0          7          4-21              1