ASNN – Ka nisur dje Kampionati i 70-të Kombëtar i Volejbollit për Meshkuj. Nisur nga rezultati i thellë duket se gjithçka ishte një formalitet në “Ramazan Njala”. Por kronika e ndeshjes është tregues i saktë, që Teuta nuk e ka pasur të lehtë fitoren.

Kjo jo vetëm nga kohëzgjatja prej 100 minutash e ndeshjes, por edhe nga finalizimet dramatike të dy seteve të fundit. Ajo që vlen tek ekipi vendës është prania e elementit të ri që harmonizohet drejt me volejbollistët më me përvojë.

Ani Vora dhe i afërmi i tij Eraldo Vora është binomi më frytdhënës i Teutës, që mbështetur edhe nga prurja e re nga Shijaku Emiljano Istrefi, në pasimin e Aldo Dashit dhe më tej i Ledio Bidulit dhe me mbështetjen e Uruçit, Jurgen Dashit, Bardhit, Mokut e Nazifit, përcaktuan fitoren e durrsakëve ndaj korçarëve 3-0.

TEUTA – SKËNDERBEU   3-0

(25-20, 26-24, 27-25)

TEUTA: A. Dashi, J. Dashi, A. Vora, P. Uruçi, E. Istrefi, E. Vora/ Kola, Moku, Bardhi, Nazifi, Biduli, Moku. Trajner: L. Marangoni

SKËNDERBEU: Caci, Haxhillari, Sejati, Drinazi, Pira, Ndardhari / Shishi, Shellira, Beqiraj, Dhimitri, Musaka.Trajner: A. Prifti

GJYQTARË: A. Shehu, T. Zguro

Kampionati Kombëtar

i Volejbollit – Meshkuj

Java e parë

(31 tetor 2015)

Teuta – Skënderbeu           3-0

Tirana – Elbasani                3-0

Vllaznia – Farka Volej         0-3

Studenti                                 pushim

Renditja

Nr.       Skuadra         N.        F.         H.        Setet               Pikë

1. Farka Volej 1          1          0          3-0                  3
2. Teuta 1          1          0          3-0                  3
3. Tirana 1          1          0          3-0                  3
4. Elbasani 1          0          1          0-3                  0
5. Skënderbeu 1          0          1          0-3                  0
6. Vllaznia 1          0          1          0-3                  0
7. Studenti 0          0          0          0-0                  0