ASNN – Skënderbeu në volejboll për meshkuj pëson humbjen e dytë radhazi, ndërkohë që Partizani shënon fitoren e dytë radhazi. Ky është fundi i takimit të djeshëm në Korçë, atje ku Skënderbeu dhe Partizani u ndeshën për javën e dytë të Kampionatit Kombëtar të Volejbollit për Meshkuj. Korçarët vinin pas asaj humbjeje në kryeqytet 3-0 ndaj Studentit, ndërkohë që të kuqtë e trajnerit Ylli Tomori kishin mundur Tiranën, 3-1.

Pritej në fakt që përballja e djeshme të ishte e bukur dhe të paktën me rivalitet përsa i përket pikëve, por që i tillë ka qenë vetëm seti i parë i takimit. Pikërisht ky set ka qenë me emocione duke u dashur edhe pikët shtesë për të përcaktuar fituesin. Kanë qenë korçarët që e kanë nisur mirë në fillim teksa kanë kryesuar 4-2, apo edhe 8-6. E më pas është Partizani që hera-herës del përpara 16-14, 19-18.

Pas pikës së 20-të gjithçka është në baraspeshë dhe rezultati barazohet deri te pika e 27-të. Partizani tregohet më i saktë nga shërbimi në dy pikët e fundit dhe e mbyll këtë set 27-29. Kaq për Skënderbeun që dorëzohet totalisht dhe seti i dytë pas disa rezultateve 4-10, 9-17 përfundon në fund me rezultatin e thellë, 14-25, në favor të Partizanit.

Seti i tretë dhe i fundit i takimit është fotokopje i setit të dytë, teksa nuk ka histori dhe mbyllet po thellësisht 15-25 në favor të Partizanit, që fiton thellësisht 0-3. Skënderbeu është kthyer në vendin e fundit atje ku e ka vendin, pasi vitet e fundit e ka pasur “traditë” pjesëmarrjen e dobët në kampionat.

Skënderbeu – Partizani       0-3

(27-29, 14-25, 15-25)

Skënderbeu: Haxhillari, Caci, Ndardhari, Musaka, Pira, Dragoi, Shishi (L) / Toska, Shëllira, Dhimitri, Lumani, Çerçiz. Trajner: A. Prifti

Partizani: Tukseferi, Kasa, Çali, Malaj, L. Martiro. K. Martiro, Gorenxa (L) / Qeraxhija, Troka, Arapi, Muça. Trajner: Y. Tomori

Gjyqtarë: K. Agolli, V. Sojati (Tiranë)

Kampionati Kombëtar

i Volejbollit – Meshkuj

Java e dytë

(7-11 tetor 2016)

Të premten:

Tirana – Farka Volej            1-3

Të shtunën:

Skënderbeu – Partizani      0-3

Erzeni – Teuta                      3-0

Të martën:

Vllaznia – Studenti              ora 19:00

Elbasani                                pushim

Renditja

Nr.       Skuadra         N.        F.         H.        Setet               Pikë

1. Erzeni                        2          2          0          6-0                  6
2. Partizani        2          2          0          6-1                  6
3. Farka Volej    2          2          0          6-2                  6
4. Studenti         1          1          0          3-0                  3
5. Elbasani        1          0          1          0-3                  0
6. Tirana             2          0          2          2-6                  0
7. Teuta              2          0          2          1-6                  0
8. Skënderbeu  2          0          2          0-6                  0
9. Vllaznia         0          0          0          0-0                  0