Studenti e ka nisur shpejt takimin në kryeqytet ndaj Vllaznisë, ndërsa në pushimin e parë teknik është në epërsi bindëse, 8-2. Vllaznia nis të përmirësohet dhe dalin në pah jo vetëm Xhorxheviç, por dhe Nikolin Qafarena e Drinazi, apo dhe Rrashketa. Në 13-11 Sako merr pushimin e parë të tij. 16-13, 19-16, 23-18 dhe përfundimi 25-20. Krijohet përshtypja se Studenti do ta ketë të lehtë.

Por nuk mendon kështu Vllaznia, e cila merr dy sete radhazi 19-25 dhe 17-25 duke qenë gjithnjë në udhëheqje të rezultatit. Shkundet skuadra e Sakos, që kurrsesi nuk mund të pranonte një disfatë nga shkodranët në Pallatin e Sportit “Asllan Rusi” në kryeqytet. Dhe duke e udhëhequr gjithnjë rezultati në 8-5, 16-11, 19-12, 24-18 arrin të fitojë 25-18 dhe 2-2. Në setin final në rezultatin 8-7 janë ndërruar fushat.

Ndërsa Vllaznia vihet në udhëheqje të rezultatit 10-11, 13-14. Studenti barazon në 14-14, 15-14 dhe atëherë kur duhet të vinte pika e 16-të, që do të jepte fitoren, Lundra ka gabuar në gjuajtje. Por Studenti rikuperon dhe pas barazimi 16-16 shënon dhe dy pikë të tjera, madje e fundit ka ardhur nga gjuajtja jashtë e Qafarenës, dhe 3-2 për djemtë e Sakos, që kanë bërë një nga ndeshjet e tyre më të mira të këtij sezoni.

Studenti – Vllaznia                           3-2

(25-20, 19-25, 17-25, 25-18, 18-16)

Studenti: A. Lundra, Kupi, Bërdufi (L), Rama, Pepa, Xhabrahimi, Kula / Çullhaj, Sejati, Muça, Baruti. Trajner: A. Sako

Vllaznia: Miloti, Drinazi, Xhorxheviç, Çekini, N. Qafarena, Rrashketa / Jukni, Gjoklaj, Lloshi. Trajner: M. Krroqi

Gjyqtarë: A. Shehu, E. Zenullari (Tiranë)

Ndihmës: A. Brokaj, G. Allmeta (Tirana)

Kampionati Kombëtar

i Volejbollit – Meshkuj

Java e 11-të

(10-11 shkurt 2017)

Të premten:

Studenti – Vllaznia                          3-2

Të shtunën:

Partizani – Skënderbeu                  ora 14:00

Teuta – Erzeni                                  ora 19:00

Farka Volej – Tirana                        ora 19:00

Renditja

Nr.       Skuadra         N.        F.         H.        Setet               Pikë

1. Partizani          9        9          0          27-2                27
2. Farka Volej      9        7          2          23-9                21
3. Studenti         10        7          3          21-16              19
4. Vllaznia           9        5          4          20-14              17
5. Tirana               9        5          4          18-14              15
6. Erzeni                          9        4          5          18-17              13
7. Skënderbeu    9        2          7            6-23                6
8. Elbasani          9        1          8            7-26                3
9. Teuta                9        1          8            6-26                2