Dy më të fortat e sezonit do të luajnë një tjetër trofe të rëndësishëm në volejboll për meshkuj. Kampionët fitojnë lehtësisht ndaj durrsakëve, ndërsa bardheblutë vuajnë ndaj Vllaznisë. Studenti-Tirana në volejboll për meshkuj është finalja e Kupës së Flamurit.

Janë dy skuadrat më të forta të sezonit, të cilat janë përballur në finalen e Kupës së Federatës Shqiptare të Volejbollit dhe tashmë do të luajnë një tjetër trofe të këtij sezoni të rrjetës shqiptare.

Madje duket se ndeshja e tyre e sotme do të jetë si një fillimi i asaj që do të ndodhë të shtunën në sallën “Farie Hoti” kur të dy skuadrat do të përballen në kuadër të kampionatin kombëtar.

Deri më tani është Tirana e Arben Sakos në avancë, sepse jo vetëm që ka fituar finalen e Kupës së Federatës me Studentin, 2-3, por dhe në fazën e parë të kampionatit, po në fushën e Studentit, ka fituar 1-3. Në këto kur duket se po luajnë si “macja” me “miun” pritet një duel interesant, ashtu sikurse dhe të shtunën.

Kupa e Flamurit

Volejboll – Meshkuj

Gjysmëfinalet

26 nëntor 2014:

Studenti – Teuta                  3-0

Tirana – Vllaznia                  3-2

Finalja                                   

27 nëntor 2014:

Studenti – Tirana                  (ora 17:00)

Kupa e Flamurit

Volejboll – Femra

Gjysmëfinalet:

Barleti Volej – Teuta            28 nëntor       ora 16:00

Tirana – Partizani                28 nëntor       ora 18:00

Finalja                                                29 nëntor       ora 16:00