Studenti i Ylli Tomorit, jo vetëm që e kishte marrë seriozisht ndeshjen ndaj Vllaznisë, e cila njihet për surpriza ndaj kampionëve dhe fituesve në fuqi të Kupës së Shqipërisë, sidomos në Tiranë, por dhe ka futur në lojë kapitenin Tukseferi. E kjo jo vetëm për ta pasur që në fillim në kontroll ndeshjen, por dhe për t’i orientuar më mirë në lojë bullgarët Vasiliev e Vuldiev. Të dy janë dalluar në sulmet e tyre, ndonëse kanë qëndruar shumë larg rrjetës për të marrë topin e për të goditur në fushën kundërshtare.
Por Vuldiev ka pasur aftësinë dhe të shënojë nga shërbimi. Shumë i qetë, i lartë në kërcim dhe i fortë në goditje, aq sa disa herë shkodranët janë detyruar të ndëshkohen me pikë. Të tre setet kanë qenë nën kontrollin e Studentit, ndërsa Tomori ka aktivizuar të gjithë lojtarët e stolit. Madje në setin e tretë kuqeblutë kanë qenë krejtësisht të dorëzuar, aq sa kanë pasur pak dëshirë për të luajtur dhe mandej janë dorëzuar. 3-0 për Studentin, që i ka fituar setet 25-19, 25-18, 25-15.
Pikëshënuesi më i mirë i ndeshjes Vuldiev me 11 pikë, i ndjekur nga Vasiliev me 9 pikë. Në bllok ka dalë fitues Malaj i Studentit me tre mure fituese, kurse në shërbim ka dalë fitues Vuldiev me gjashtë shërbime të sakta. Në total në tre sete Studenti ka shënuar 75 pikë, prej të cilave 54 pikë vetë, kurse 21 pikë kanë ardhur nga gabimet e Vllaznisë. Në krahun tjetër shkodranët në tre sete kanë shënuar 52 pikë, prej të cilave 27 pikë kanë shënuar vetë.
Kurse 25 pikë kanë ardhur nga gabimet e Studentit, që në fakt dje ka falur shumë. Megjithatë në përfundim të ditës së dytë të Kupës së Shqipërisë në grupin A, Farka Volej dhe Studenti janë të pandalshëm drejt finales së trofeut më të dytë të rëndësishëm të volejbollit shqiptar.
Studenti – Vllaznia 3-0
(25-19, 25-18, 25-15)
Studenti: Tukseferi, Rrashketa, Vasiliev, Vuldijev, Kono, Gorenxa (L), Malaj / Memia, Qerraxhija, Çali, Kasa, Muça (L). Trajner: Y. Tomorri
Vllaznia: Miloti, Taflaj, Çekini, Jukni, N. Qafarena, A. Qafarena, R. Kola (L) / K. Kola, Lloshi, Daniku. Trajner: A. Kalaja
Gjyqtarë: E. Mujo, V. Sojati (Tiranë)
Kupa e Shqipërisë
Volejboll – Meshkuj
Kalendari i turit çerekfinal:
Grupi A
Renditja
Nr. Skuadra N. F. H. Setet Pikë
- Studenti 2 2 0 6-0 6
- Farka Volej 2 2 0 6-0 6
- Tirana Volej 1 0 1 0-3 0
- Vllaznia 1 0 1 0-3 0
Dita e parë
(29 janar 2015)
Studenti – Tirana Volej 3-0
Farka Volej – Vllaznia 3-0
Dita e dytë
(30 janar 2015)
Farka Volej – Tirana Volej 3-0
Studenti – Vllaznia 3-0
Dita e tretë
(31 janar 2015)
Tirana Volej – Vllaznia ora 16:00
Studenti – Farka Volej ora 18:00
Grupi B
Renditja
Nr. Skuadra N. F. H. Setet Pikë
- Tirana 2 2 0 6-2 6
- Teuta 2 1 1 4-3 3
- Elbasani 3 1 1 4-3 3
- Skënderbeu 1 0 1 0-3 0
Dita e parë
(29 janar 2015)
Tirana – Elbasani 3-1
Teuta – Skënderbeu 3-0
Dita e dytë
(30 janar 2015)
Elbasani – Skënderbeu 3-0
Tirana – Teuta 3-1
Dita e tretë
(31 janar 2015)
Tirana – Skënderbeu ora 10:30
Teuta – Elbasani ora 17:00
