Kartoni i kuq në setin e katërt për trajnerin e Studentit Ylli Tomori nga kryesorja Rudina Omari është kthyer në pakënaqësi tek fituesi, ndërkohë që në setin e tretë ka pasur edhe një debat në distancë mes kapitenit të Studentit Tukseferi dhe trajnerit të Farka Volejit, Dritan Bardhi, për një pikë për kampionët në fuqi. Studenti është finalisti i dytë nga grupi A i fazës eliminatore të Kupës së Shqipërisë në volejboll për meshkuj, por mes shumë debatesh.

Sepse vendimet e gjyqtares Rudina Omari dhe Konals Gjokës janë diskutuar nga të dy palët, të cilët nuk kanë pranuar vendimet e dhëna duke vënë në dyshim atë që akordohej. Më së shumti në setin e katërt ka pasur një karton të kuq për trajnerin e Studentit, Ylli Tomori, ndoshta për protesta, dhe gjendja është tensionuar paksa, sepse Farka Voleji ka ngushtuar në 17-18.

Por në të njëjtën kohë edhe në setin e tretë për një pikë të marrë nga Tukseferi në një dyluftim blloku me Deliun ka pasur debate në distancë mes kapitenit të Studentit dhe trajnerit të Farka Volejit, Dritan Bardhi, sepse këta të fundit kanë pretenduar për faull. Në përgjithësi edhe pse gjykimi ka qenë i mirë i dyshes Omari-Gjoka të dy palët, si fituesit, ashtu dhe humbësit kanë pasur kontestime për vendimet e gjyqtarëve. Por në fund të gjitha palët janë ndarë paqësisht.

Farka Volej – Studenti         1-3

(18-25, 19-25, 25-23, 21-25)

Farka Volej: Deliu, Metani, Bërdufi (L), Koçi, Qepa, Nimani, Bajrami / Vllaçaj, Xhajkone. Trajner: D. Bardhi

Studenti: Çali, Qerraxhija, Kono, L. Martiro, K. Martiro, Malaj, Gorenxa (L) / Memia, Muça (L), Tukseferi, Kasa, Sotiri. Trajner: Y. Tomorri

Gjyqtarë: R. Omari, Ko. Gjoka (Tiranë)

Ndihmës: A. Brokaj, A. Nurja (Tiranë)

Kupa e Shqipërisë

Volejboll – Meshkuj

Kalendari i fazës çerekfinale

Grupi A

(“Asllan Rusi” – Tiranë)

Të martën:

Vllaznia – Farka Volej         3-0

Studenti                                 pushim

Të mërkurën:

Studenti – Vllaznia              2-3

Farka Volej                            pushim

Të enjten:

Farka Volej – Studenti        3-1

Vllaznia                                 pushim

Renditja

Nr.       Skuadra         N.        F.         H.        Setet               Pikë

1. Vllaznia 2          2          0          6-2                  5
2. Studenti 2          1          1          5-4                  4
3. Farka Voleji 2          0          1          0-3                  0