ASNN – Barleti Volej dhe Studenti fituesit e Kupës së Federatës, ndërsa Teuta e përfundon ndeshjen me tre kartonë të kuq, ndëshkohen për protesta trajneri Marangoni, ndihmëstrajneri Ivanaj dhe Vora. Më emocionuese se e femrave ka qenë finalja e meshkujve.

Në ekuilibër të plotë ka qenë gjithçka që në dy setet e para, kur Studenti ka fituar 26-24, e po me të njëjtën monedhë është përgjigjur Teuta. Ndërkohë durrsakët kanë fituar setin e tretë thellësisht 15-25. Në të katërtin durrsakët kanë pasur dëshirë ta mbyllin ndeshjen.

Por Studenti nuk ka lëshuar pe, teksa ka fituar në shtesë 28-26. I ekuilibruar dhe seti final, të cilën Studenti e ka fituar në pikët shtesë 15-13. Ndërkohë durrsakët janë ndëshkuar me karton të kuq për protesta ndaj gjyqtarit Mujo dhe Zguri. E kartoni i kuq ka shkuar për trajnerin Marangoni, ndihmëstrajnerin Ivanaj dhe volejbollistin Vora.

Në fund Studenti është shpallur fitues duke u kthyer tek ky trofe pas katër vjetësh mungesë. Kupat për skuadrat fituese i kanë dorëzuar presidenti i Federatës Shqiptare të Volejbollit, Erlind Pëllumbi, dhe sekretari i përgjithshëm Albens Vokopola. Tashmë kampionati do të nisë më 31 tetor 2015.

Kupa e 70-vjetorit të

Federatës Shqiptare të Volejbollit

Femra

Gjysmëfinalet

(20 tetor 2015)

Tirana – Partizani                3-0

(25-3, 25-6, 25-3)

Barleti Volej – Teuta            3-0

(25-15, 25-13, 25-16)

Finalja

(22 tetor 2015)

Barleti Volej – Tirana           3-0

(25-18, 25-19, 25-19)

Meshkuj

Gjysmëfinalet

(21 tetor 2015)

Tirana – Teuta                      2-3

(13-25, 29-27, 25-21, 27-29, 9-15)

Studenti – Vllaznia              3-2

(25-20, 25-13, 17-25, 18-25, 16-14)

Finalja

(22 tetor 2015)

Studenti – Teuta                  3-2

(26-24, 24-26, 15-25, 28-26, 15-13)