Ndeshja e kthimit e Challenge Cup në volejboll për meshkuj mes Studenti dhe hungarezëve të Fino Kaposvarit, e cila do të luhet sot në ora 18:00, do të gjykohet nga turku Mehmet Demirderlen dhe greku Joanis Joanidis.
Në të njëjtën kohë po sonte ndërkombëtari shqiptar Altin Telo është gjyqtar i parë në ndeshjen Ethnikos Aleksandropulis-TV Shonenverd. Telo ka qenë dhe dy javë më parë gjyqtar i dytë në ndeshjen TSV Volbank Hartberg-VC Strasen.
Gjithsesi në Pallatin e Sportit “Asllan Rusi” është gjithçka gati për ndeshjen Studenti – Fino Kaposvar.
