Gjatë lojës ka pasur momente ngacmimi me fjalë dhe me shenja mes Konos e Kulës, por pa ndonjë problem. Në momentin që Pepa ka shënuar me bllok pikën e 21-të të setit të tretë, teksa rezultati shkonte në 22-21, ka ardhur një reagim i tij që ka nxitur tensionin në fushë. Kono, por dhe lojtarë të tjerë të Partizanit, kanë kërkuar të konfrontohen.

Veçse ndërhyrja e stafeve teknike, të cilët kanë bërë uljen e gjakrave, nuk e ka lënë situatën të rëndohet. Pas konsultimit të Zgurit me Gjokën ka ardhur kartoni i kuq për Pepën dhe Konon dhe 23-22. Mirëpo ky rezultat ka sjellë reagimin e Studentit, që pasi ka barazuar në 23-23 ka kthyer në 23-25. Seti i katërt është për Studentin deri në 18-19. Pas kësaj situate ka përmbysur Partizani në 22-21 dhe 24-22.

Por kur pritej pika e 25-të, Studenti ka barazuar në 24-24, 25-25 dhe në 25-27 e 3-1 për kampionët në fuqi, që kështu kanë bërë ndeshjen e tyre më të mirë të këtij sezoni. Shënuesi më i mirë i ndeshjes është Troka i Partizanit, me 17 pikë, i ndjekur nga Xhabrahimi i Studentit me 12 pikë, si dhe Stepashkin i Partizanit dhe Lundra i Studentit, me 11 pikë.

Në bllok kanë dalë fitues kolumbiani i Partizanit, Melo Luis Fernandez, dhe Kula i Studentit me 5 mure fituese. Në shërbim, është dalluar Pepa dhe Kula të Studentit me 3 rezultative, i ndjekur nga Çali e Ledio Martiro të Partizanit me dy. Në 4 sete, në total, Partizani shënoi 94 pikë, prej të cilave 62 pikë vetë, kurse 32 pikë kanë ardhur nga gabimet e Studentit me një mesatare prej 8 pikësh për set.

Në krahun tjetër, Studenti në 4 sete, ka realizuar në total 100 pikë, prej të cilave 72 pikë vetë, kurse 28 pikë, me një mesatare 7 pikë për set, kanë ardhur nga gabimet e të kuqve.

Kampionati Kombëtar

i Volejbollit – Meshkuj

Java e 15-të

(17-18 mars 2017)

Të premten:

Partizani – Studenti             1-3

Të shtunën:

Skënderbeu – Erzeni          ora 14:00

Tirana – Vllaznia                  ora 18:00

21 mars 2017:

Teuta – Elbasani

Farka Volej                            pushim

Renditja

Nr.       Skuadra         N.        F.         H.        Setet               Pikë

1. Partizani        13        12          1        37-6                36
2. Farka Volej    12        10          2        32-11              30
3. Studenti         13        10          3        30-18              28
4. Tirana             13          8          5        28-18              24
5. Vllaznia         12          6          6        25-20              20
6. Erzeni                        12          5          7        23-23              16
7. Skënderbeu  13          2        11          6-35                6
8. Teuta              13          2        11          9-35                5
9. Elbasani        11          1        10          7-32                3