Partizani i Ylli Tomorit dje ka fituar ndaj Teutës me formacionin e dytë, ndërsa nuk janë përdorur as shuteri kryesor Troka, as Kono, as organizatori Çali. Por në fushë kanë qenë Kasa, Memia, Malaj, Arapi, Ledio dhe Kristi Martiro e lojtari i lirë Gorenxa. Ndeshja ka nisur me një ceremoni, ndërsa gazetari i njohur sportiv Moisi Dalipi ka dhënë çmimin në emër të Shoqatës Çamëria për Klodian Kasën. Sepse çdo vit bëhen dhjetë sportistët më të mirë çamë dhe Kasa ishte njëri prej tyre për vitin 2016.

Ndërkohë çmimi është dorëzuar nga trajneri i Partizanit, Ylli Tomori. Sa i përket ndeshjes përfundimet e seteve nuk kanë nevojë për shumë koment; 25-12, 25-14 dhe 25-21. Dhe në harkun e një ore 3-0 për të kuqtë, që kanë pasur dhe mbështetjen e “Ultras Guerrilasve” të rinj. Pikëshënuesi më i mirë i ndeshjes Ledio Martiro i Partizanit me 10 pikë. Në bllok ka dalë fitues Malaj i Partizanit me 4 mure të suksesshme, i ndjekur nga Arapi i Partizanit me 3 mure fituese.

Kurse në shërbim, Arapi i Partizanit me 4 rezultative dhe Qerraxhija i Partizanit me 3 të tilla. Në total, në 3 sete, Partizani ka shënuar 75 pikë, prej të cilave 58 pikë vetë, kurse 17 pikë kanë ardhur nga gabimet e durrsakëve. Ndërkaq, në total, në 3 sete, Teuta ka realizuar 43 pikë, prej të cilave 26 pikë vetë, kurse 17 pikë kanë ardhur nga gabimet e të kuqve kryeqytetas.

Partizani – Teuta                  3-0

(25-12, 25-14, 25-17)

Partizani: Kasa, L. Martiro, Arapi, Qerraxhija, Malaj, Memia, Gorenxa (L) / K. Martiro. Trajner: Y. Tomori

Teuta: Bardhi, Biduli, Kolea, Jazenxhi, Xhafa, Bushpepa, Macaj (L) / Çuçi, Masha. Trajner: L.Marangoni

Gjyqtarë: R.Mujo (Tiranë), G.Sakaj (Vlorë)

Kupa e Shqipërisë 2018

Volejboll – Meshkuj

Kalendari i fazës eliminatore:

Grupi A

Dita e parë

(16 dhjetor 2016)

Farka Volej – Teuta             ora 3-0

Studenti – Partizani             ora 0-3

Dita e dytë

(17 dhjetor 2016)

Partizani – Teuta                              3-0

(25-12, 25-14, 25-17)

Farka Volej – Studenti                     3-1

(19-25, 25-19, 25-17, 25-21)

Renditja

Nr.       Skuadra         N.        F.         H.        Setet               Pikë

1. Partizani        2          2          0          6-0                  6
2. Farka Volej    2          2          0          6-1                  6
3. Studenti         2          0          2          1-6                  0
4. Teuta              2          0          2          0-6                  0

Dita e 3-të

(18 dhjetor 2016)

Teuta – Studenti                  ora 15:00

Farka Volej – Partizani        ora 17:00