ASNN – Dje është luajtur në Shkodër edhe ndeshja e fundit e javës së 6-të të Kampionatit Kombëtar të Volejbollit për Meshkuj dhe Vllaznia ka shtangur Tiranën, duke e mundur në 3 sete skuadrën e trajnerit Arben Sako.

Edhe në volejbollin e meshkujve, vazhdon të kryesojë kampionia në fuqi, Studenti, e cila në takimet e javës së 6-të, ka fituar me rezultatin 3-1 ndaj Farka Volejit. Kjo ishte fitorja e 5-të në këto 6 ndeshje të para për skuadrën e drejtuar nga trajneri Ylli Tomorri.

Bardheblutë kryeqytetas kanë mbetur në kuotën e 12 pikëve, 3 më pak sesa Studenti kryesues, por kanë luajtur 1 ndeshje më pak sesa kampionët në fuqi. Vllaznia është ngjitur në kuotën e 9 pikëve.

Po 9 pikë ka Teuta, e cila këtë javë ishte pushim, ndërsa në takimin tjetër të luajtur të shtunën, Elbasani ka fituar duelin e fundit të renditjes, të luajtur në Korçë, duke mposhtur Skënderbeun në 5 sete.

Kampionati Kombëtar

i Volejbollit – Meshkuj

Java e 6-të

(15 nëntor 2014)

Skënderbeu – Elbasani      2-3

Vllaznia – Tirana                  3-0

Farka Volej – Studenti        1-3

Teuta                                      pushim

Renditja

Nr.       Skuadra         N.        F.         H.        Setet               Pikë

1. Studenti 6          5          1          16-5                15
2. Tirana 5          4          1          12-5                12
3. Vllaznia 5          3          2          11-7                9
4. Teuta 5          3          2          9-9                9
5. Farka Volej 5          2          3          8-9                6
6. Elbasani 5          1          4          5-14              2
7. Skënderbeu 5          0          5          3-15              1