ASNN – Fundi i vitit 2014 e ka gjetur rrjetën shqiptare në parket. Janë luajtur dy nga tre ndeshjet e javës së 14-të të Kampionati Kombëtar i Volejbollit për Meshkuj, e cila ka shënuar dhe përfundimin e fazës së dytë. Farka Voleji nuk ka mundur ta përballojë Tiranën, e cila e ka mundur skuadrën e Dritan Bardhit, 3-1.

Bardheblutë e kanë nisur shpejt ndeshjen, teksa kanë fituar dy setet e para 20-25 dhe 17-25. Por pikërisht atëherë kur pritej që ndeshja të përfundonte me fitoren e Tiranës, thellësisht 3-0, Farka Volej ka fituar setin e tretë 25-21. Në të katërtin nuk ka më dyshime, sepse bardheblutë e Arben Sakos nuk kanë toleruar më.

Kanë fituar 19-25 dhe të gjithë ndeshjen 3-1. Ndërkohë Teuta, edhe pse është luajtur në një temperaturë disa gradë nën zero, ka fituar pastër 3-0. Setin e parë e ka marrë lehtësisht 11-25. Më pas në dy të tjerët ka pasur rezistencë nga vendësit. Por gjithsesi janë durrsakët ato që kanë dalë “mbi ujë”, teksa kanë triumfuar 19-25 dhe 17-25.

Dhe kështu kanë fituar të gjithë ndeshjen 3-0. Kohë më parë është luajtur dhe Vllaznia-Elbasani 3-0, ndërsa Studenti është kampion i dimrit. Kampionati Kombëtar i Volejbollit, kthehet si për meshkuj, ashtu dhe për femra më 14 shkurt 2015.

Kampionati Kombëtar

i Volejbollit – Meshkuj

Java e 14-të

(30 dhjetor 2014)

Vllaznia – Elbasani             3-0

Farka Volej – Tirana            1-3

Skënderbeu – Teuta           0-3

Studenti                                 pushim

Renditja

Nr.       Skuadra         N.        F.         H.        Setet               Pikë

1. Studenti 12        11        1        34-9                33
2. Tirana 12        10        2        31-15              28
3. Teuta 12        8        4        27-17              25
4. Vllaznia 11        6        5        22-16              18
5. Farka Volej 11        4        7        16-23              11
6. Skënderbeu 12        1        11        12-35              5
7. Elbasani 12        1        11        8-35              3