Vllaznia jo vetëm që e kishte marrë seriozisht këtë ndeshje, teksa ka mbërritur në Tiranë rreth orës 16:45, por kishte ardhur në Sallën Sportive “Farie Hoti” në kryeqytet me mendjen e fjetur se do të mbarojë punë shpejt. Dhe në fakt dy setet e para të fituara nga shkodranët me diferencë në rezultat të jepnin këtë përshtypje. Trajneri Dritan Bardhi është mundur ta fusë skuadrën në linjë me të gjitha mënyrat, por duket se ka qenë e pamundur.

Aq sa Farka Volej gabon dhe vetë. Dhe dy shuterët Koçi e Qepa e kanë të pamundur të dalin në lojën e tyre të zakonshme. Ndaj dhe Vllaznia dy setet e para i ka fituar lehtësisht 17-25 dhe 14-25. Mirëpo situata ka ndryshuar në setin e tretë. Farka Voleji është gjithnjë në udhëheqje të rezultatit, fillimisht 6-2, 8-4, 13-8, 16-11, 19-17 dhe pastaj 22-20. Barazohet rezultati në 24-24, por në fund Farka fiton 26-24.

Seti i katërt është i ekuilibruar me dëshirën e mirë të Farkës për ta çuar ndeshjen në set final, si dhe me idenë e Vllaznisë për ta mbyllur shpejt. Sepse trepikëshi vlen për renditjen (për kujtesë të lexuesit në rezultatet 3-0 dhe 3-1 fituesi merr 3 pikë dhe humbësi 0 pikë, kurse në 3-2 fituesi 2 pikë dhe humbësi 1 pikë). Vllaznia është në epërsi, por të pakët, aq sa Farka Voleji dhe mund të përmbyste. 4-6, 5-8, 9-12, 11-16, 18-22, 21-24 dhe në fund 22-25 dhe krejt ndeshja 1-3 për shkodranët.

Farka Volej – Vllaznia          1-3

(17-25, 14-25, 26-24, 22-25)

Farka Volej: Metani, Qepa, Koçi, Vllaçaj, Nimani, Bërdufi (L), Bajrami / Hotaj, Xhajkone, Doka, Plaku. Trajner: D. Bardhi

Vllaznia: Tatar, A. Qafarena, N. Qafarena, Rrashketa, K. Kola, R. Kola (L), Miloti / Çekini, Taflaj, Jukni. Trajner: A. Kalaja

Gjyqtarë: A. Shehu, E. Zenurllari (Tiranë)

Asistentë: A. Brokaj, A. Nurja (Tiranë)

Kampionati Kombëtar

i Volejbollit – Meshkuj

Java e 8-të

(13 shkurt 2016)

Skënderbeu – Teuta           0-3

Elbasani – Tirana                0-3

Farka Volej – Vllaznia         1-3

Studenti                                 pushim

Renditja

Nr.       Skuadra                     N.        F.         H.        Setet               Pikë

1. Tirana             7          6          1          19-5                18
2. Teuta 7          5          2          17-11              14
3. Vllaznia 7          5          2          15-11              14
4. Studenti 6          4          2          14-8                12
5. Farka Volej             7          3          4          13-12              10
6. Skënderbeu 7          1          6          4-18              3
7. Elbasani 7          0          7          4-21              1