ASNN – Kampionati Kombëtar i Volejbollit për Meshkuj i ka luajtur dje të 3 ndeshjet e javës së tij të 8-të dhe në takimin që u luajt në Elbasan, skuadra vendase ka kapitulluar në 3 sete përballë Farka Volejit.

Modestët e periferisë së kryeqytetit, të drejtuar nga trajneri pasionant, Dritan Bardhi, kanë korrur kështu fitoren e 3-të në këtë sezon dhe mbajnë gjallë shpresat për një vend në “play-off”-in final, ndonëse pengesë në këtë mision kanë një emër të madh të sportit shqiptar, si Vllaznia.

Në fakt, shenjat e fitores së Farka Volejit kanë ardhur që në setin e parë, të cilin djemtë e Bardhit e kanë fituar me rezultatin e thellë 25-13. Në dy setet e tjera, elbasanasit përpiqen disi, por dorëzohen në shifrat përkatëse, 16-25 dhe 17-25, dhe e humbasin gjithë ndeshjen me rezultatin 0-3.

ELBASANI – FARKA VOLEJ         0-3

(13-25, 16-25, 17-25)

ELBASANI: Kallajxhiu, Zenelhoxha, Agushi, Çullhaj, Kula, Biba, Gashi. Trajner: A. Shabanaj.

FARKA VOLEJ: Deliu, Koçi, Qepa, Metani, Vllacaj, Bajrami, Mimani, Seferi, Plaku, Biçaku, Xhajkone, Bërdufi.Trajner: D. Bardhi

GJYQTARË: R. Kuka, G. Sakaj

Kampionati Kombëtar

i Volejbollit – Meshkuj

Java e 8-të

(29 nëntor 2014)

Teuta – Vllaznia                   3-1

Elbasani – Farka Volej        0-3

Tirana – Studenti                 1-3

Skënderbeu                          pushim

Renditja

Nr.       Skuadra         N.        F.         H.        Setet               Pikë

1. Studenti 7          6          1          19-6                18
2. Tirana 7          5          2          16-9                15
3. Teuta 7          5          2          15-11              15
4. Vllaznia 7          4          3          15-10              12
5. Farka Volej 7          3          4          12-12              9
6. Elbasani 7          1          6          5-20              2
7. Skënderbeu 6          0          6          4-18              1