Farka Volej çfarë rezistence, kampionët vuajnë për të fituar. Janë dashur mbi dy orë lojë që skuadra e Ylli Tomorrit të shpëtonte nga ankthi i kalimit në finale. Arbër Troka vendimtar për ekipin, nga 91 pikë të realizuar në pesë sete vetëm ai si individ ka shënuar 41. Studenti e ka nisur mirë ndeshjen në setin e parë, ndërsa ka udhëhequr 1-5, 3-8, 12-16, 15-18 dhe 15-20.
Por këtu Studenti fiket, ndërsa Farka Voleji merr zemër dhe arrin të ngushtojë deri në 19-22 dhe më pas 24-24, 25-25, 25-25 dhe në fund 28-26. Ndërrohen portat në setin e dytë, sepse është Farka Voleji është në udhëheqje të rezultatit 8-7, 10-7, 13-10, 16-12, 19-15 dhe 20-15. Por pikërisht këtu kthen Studenti, që barazon në 25-25 dhe më pas fiton 27-25.
Ka dhe një karton të verdhë për Bardhin për protesta, të cilat i ka vazhduar edhe në ndërrimin e fushave në setin e tretë veçanërisht me anësorin Nurja. Në setin e tretë Studenti, që është gjithnjë në udhëheqje të rezultatit, arrin ta fitojë atë 19-25. Më pas i katërti udhëhiqet deri në fund nga Farka, e cila fiton 25-21. Finalja nis me epërsinë e Farka Volejit, që udhëheq deri në 10-8. Por kthen Studenti në 12-12, 13-13 dhe në fund 13-15 dhe mes vuajtjeve të mëdha kampionët janë finalistë për titull “kampion”.
Farka Volej – Studenti 2-3 (0-2)
(28-26, 25-27, 19-25, 25-21, 13-15)
Farka Volej: Koçi, Deliu, Qepa, Nimani, Metani, Bajrami, Bërdufi (L) / Topçiu (L), Vllaçaj. Trajner: D. Bardhi
Studenti: Çali, Ivanov, Qerraxhija, Troka, L. Martiro, Malaj, Gorenxa (L) / Tukseferi, Memia, Kono, K. Martiro. Trajner: Y. Tomorri
Gjyqtarë: E. Zguri, E. Dusha (Tiranë)
Ndihmës: L. Nurçe, A. Nurja (Tiranë)
