Farka Volej ka bërë edhe një hap tjetër drejt Play-off, ndërsa duke shfrytëzuar maksimalisht fitoren me Elbasanin, por dhe pushimin e Teutës, dje ka arritur të shkëputet tre pikë diferencë në renditje prej durrsakëve. Në përgjithësi ka qenë një ndeshje e dominuar nga Farka Volej, ndërsa Elbasani, përtej ndonjë dëshire, apo dhe ndonjë thirrje të fortë në fushë pas ndonjë pike të shënuar, e kishte të vështirë të bënte diferencën.

Që në setin e parë Farka Volej është shkëputur në 8-5, 14-8, 16-9 dhe në fund 25-14. E njëjta situatë edhe në setin e dytë; 8-6, 13-8, 16-10 dhe në fund 25-17. Vetëm në setin e tretë dhe në pushimin e parë teknik Elbasani ka arritur të dalë për herë të parë dhe të fundit në epërsi 7-8. Farka Volej përmbys në 11-8. Më pas 16-14, 18-16 dhe në fund 25-21 dhe në përfundim 3-0. Pikëshënuesi më i mirë i ndeshjes Koçi i Farka Volejit me 10 pikë i pasuar nga Qepa i Farka Volejit dhe Çullhaji i Elbasanit me 9 pikë.

Në bllok ka dalë fitues Bajrami i Farka Volejit me 4 mure rezultative. Kurse në shërbim ka dalë fitues Koçi i Farka Volejit me 6 rezultative, pasuar nga Tollumi i Elbasanit me 4 rezultative. Në total, në 3 sete, Farka Voleji ka shënuar 75 pikë, prej të cilave 46 pikë vetë, kurse 29 pikë kanë ardhur nga gabimet e Elbasanit. Që do të thotë me një mesatare 9.6 pikë për set. Në krahun tjetër Elbasani në tre sete ka shënuar 52 pikë prej të cilave 32 pikë vetë, kurse 20 pikë kanë ardhur nga gabimet e Farka Volejit, që dje e ka merituar fitoren 3-0.

Farka Volej – Elbasani         3-0

(25-14, 25-17, 25-21)

Farka Volej: Deliu, Bërdufi (L), Qepa, Koçi, Xhajkone, Metani, Bajrami / Topçiu (L), Hodaj, Doda, Plaku. Trajner: D. Bardhi

Elbasani: Kallajxhiu, Çeta, Daka, Çullhaj, Agushi, Tollumi, Gashi (L) / Bakiri. Trajner: F. Lushnjari

Gjyqtarë: R. Mujo, Ko. Gjoka (Tiranë)

Kampionati Kombëtar

i Volejbollit – Meshkuj

Java e 17-të

(23 mars 2016)

Vllaznia – Skënderbeu       3-0

Farka Volej – Elbasani        3-0

Tirana – Studenti                 3-0

Teuta                                      pushim

Renditja

Nr.       Skuadra         N.        F.         H.        Setet               Pikë

1. Vllaznia         15        11          4        37-20              33
2. Tirana             15        10          5        35-17              32
3. Studenti         14        11          3        35-17              31
4. Farka Volej    14          9          5        31-20              26
5. Teuta              14          8          6        30-25              23
6. Skënderbeu  15          2        13          9-40                6
7. Elbasani        15          0        15          7-45                2