AlbanianSport.com 19.02.2017 15:45

ASNN – Skënderbeu, në volejboll për meshkuj, ka shënuar humbjen

e radhës në Pallatin e Sportit “Tamara Nikolla” të Korçës, duke treguar se edhe ky është një vit krize për djemtë e trajnerit Andrea Prifti. Humbja e djeshme ishte me Farka Volej, ekip që nuk e diskutoi fitoren e pastër 3-0 brenda në Korçë.

Madje ajo që është për t’u theksuar është se ky takim nuk ka zgjatur më shumë se një orë. Vetëm seti i parë i takimit ka qenë disi rivalizues, teksa vetëm në pikët e para ka pasur barazime si 3-3, 7-7 dhe 11-11. Më pas Farka Volej fillon të shkëputet, por që ruan diferencën prej dy pikësh deri në fundin e këtij seti dhe e mbyll 23-25.

Seti i dytë ka qenë edhe më i lehti për t’u fituar nga miqtë, teksa shkëputja filloi që në pikët e para. 4-10, 9-16, 12-20 kanë qenë disa nga pikët e këtij seti, teksa në fund tabela elektronike ka shënuar 16-25. Gjithçka duket e mbyllur pas këtij seti dhe korçarët lëshojnë edhe në setin e tretë.

Pavarësisht se herë pas here përpiqen edhe të ngushtojnë diferencën e pikëve, teksa seti shkon 2-5, 7-14, 12-17, 16-21 dhe në fund 21-25. E përfundimisht 0-3 për Farka Volejin, kurse Skënderbeun vijon të endet në fundin e tabelës, ndërsa miqtë nga kryeqyteti konsolidojnë vendin e dytë.

 

Skënderbeu – Farka Volej  0-3

(23-25, 16-25, 21-25)

Skënderbeu: Haxhillari, Caci, Ndardhari, Musaka, Pira, Dragoi, Toska, Shëllira, Çerçiz, Shishi (L), Lumani (L). Trajner: A. Prifti

Farka Volej: Deliu, Koçi, O. Qepa, Metani, Bajrami, Mimani, Allku, Doda, E. Qepa, Plaku, Vllaçaj (L), Topçiu (L). Trajner: D. Bardhi

Gjyqtarë: A. Shehu, R. Mujo (Tiranë)

 

Kampionati Kombëtar

i Volejbollit – Meshkuj

 

Java e 12-të

(18 shkurt 2017)

 

Skënderbeu – Farka Volej 0-3

Elbasani – Studenti             0-3

Tirana – Teuta                      3-0

Vllaznia – Partizani             1-3

Erzeni                                                pushim

 

Renditja

Nr.       Skuadra         N.        F.         H.        Setet               Pikë

1. Partizani        11        11          0        33-3                33
2. Farka Volej    11          9          2        29-10              27
3. Studenti         11          8          3        24-16              22
4. Tirana             11          6          5        22-17              18
5. Vllaznia         10          5          5        21-17              17
6. Erzeni                        10          5          5        21-17              16
7. Skënderbeu  11          2          9          6-29                6
8. Elbasani        10          1          9          7-29                3
9. Teuta              11          1        10          6-32                2