ASNN – Vazhdon Kupa e Shqipërisë dhe Erzeni kap menjëherë kreun në Grupin B, ndërsa Farka Volej tenton me çdo kusht gjysmëfinalen. Kupa e Shqipërisë në Volejboll për Meshkuj zbriti sërish në parket sot, ku u zhvilluan ndeshjet e ditës së 3-të. Me përjashtim të Tiranës që e kishte pushim të dielën, Erzeni dhe Farka Volej arritën fitore me vlerë për renditjen e Grupit B.
Kështu, Erzeni mposhti Studentin 3-0, duke mos e vënë aspak në dyshim fitoren. Studenti rivalizoi vetëm në setin e 3-të, kurse në dy setet e para ishte një fitore e lehtë. Shijakasit llogariten ekipi favorit për të kapur kreun e këtij grupi dhe për të kaluar në raundin tjetër, domethënë në gjysmëfinale. Ndryshe nga Grupi A, ku ishin 4 skuadra, ky grup ka 5 skuadra dhe kualifikimi është i ndërlikuar.
E ndërsa Erzeni është favorit, duket se surprizën e madhe po tenton ta bëjë Farka Volej, që të dielën korri fitoren e dytë, duke menduar për një kualifikim në gjysmëfinale të paktën si vend i dytë. Dhe me fitoren e së dielës, skuadra e trajnerit Dritan Bardhi ka arsye të besojë. Kështu, Farka Volej mundi thellë dhe bindshëm Teutën 3-0. Durrsakët janë ekipi më i dobët në këtë veprimtari, ashtu si në kampionat.
Aty ku ndodhet në vend të fundit dhe po shihet nga rivalët në garë si “bankomat” ku të gjithë shkojnë e marrin pikët e garantuara. Tirana e kishte pushim të dielën, por ajo është pretendente relativisht e fortë dhe me sa kuptohet do të rivalizojë me Farka Volej dhe Studentin për një vend që të çon në gjysmëfinale. Dita e 4-t e ndeshjeve në Grupin B do të luhen pas një jave, domethënë më 16 dhjetor.
Ndërsa ndeshjet e ditës së 5-të më 17 dhjetor 2018. Pra enigmat në këtë grup rreth kualifikimit vijojnë.
Kupa e Shqipërisë
Volejboll – Meshkuj
Grupi B
Dita e parë, 7 dhjetor 2018:
Tirana – Teuta 3-0
(25-10, 25-10, 25-12)
Studenti – Farka Volej 1-3
(25-13, 17-25, 19-25, 25-27)
Erzeni (pushim)
Dita e dytë, 8 dhjetor 2018:
Teuta – Studenti 0-3
(18-25, 15-25, 11-25)
Erzeni – Tirana 3-1
(25-22, 26-24, 25-27, 25-21)
Farka Volej (pushim)
Dita e 3-të, 9 dhjetor 2018:
Studenti – Erzeni 0-3
(19-25, 12-25, 23-25)
Farka Volej – Teuta 3-0
(25-17, 25-20, 25-16)
Tirana (pushim)
Dita e 4-t, 16 dhjetor 2018:
Erzeni – Farka Volej ora 16:00
Tirana – Studenti ora 18:00
Teuta (pushim)
Dita e 5-të, 17 dhjetor 2018:
Teuta – Erzeni ora 16:00
Farka Volej – Tirana ora 18:00
Studenti (pushim)
Renditja
Nr. Skuadra N F H Setet Pikë
1. Erzeni 2 2 0 6-1 6
2. Farka Volej 2 2 0 6-1 6
3. Tirana 2 1 1 4-3 3
4. Studenti 3 1 2 4-6 3
5. Teuta 3 0 3 0-9 0
