ASNN – Elbasani i fundit të renditjes në Kampionatin Kombëtar të Volejbollit për Meshkuj ka bërë surprizën, pasi në takimin e vlefshëm për javën e 18-të dhe të fundit të sezonit të rregullt, ka mundur 3-0 Teutën.

Në setin e parë verdheblutë ia dolën të fitonin 25-22. Në të dytin e patën disi më të lehtë, pasi i mbyllën shifrat në 25-17. Ndërkohë seti i tretë ishte akoma më i rivalizuar, por në fund elbasanasit triumfuan 26-24 dhe fituan krejt takimin 3-0.

Duhet theksuar se durrsakët erdhën në këtë përballje pa motiv, pasi e kishin humbur betejën e tyre për vendin e 4-t të renditjes me Farka Volejin, e cila mori edhe “biletën” e fundit për në “play-off”.

ELBASANI – TEUTA            3-0

(25-22, 25-17, 26-24)

ELBASANI: Agushi, Uçaj, Gashi, Daka, Çeta, Dulja, Kallajxhiu / Çullhaj, Bakiri, Biba. Trajner: F. Lushnjari

TEUTA: Uruçi, Bardhi, Kolea, A. Vora, A. Dashi, Bushpepa, Gashi, J. Dashi / E. Vora, Nafizi. Trajner: L. Marangoni

GJYQTARË: T.  Zguri, K. Agolli (Tiranë)

Kampionati Kombëtar

i Volejbollit – Meshkuj

Java e 21-të

(9 prill 2016)

Farka Volej – Tirana             1-3

Elbasani – Teuta                   3-0

Skënderbeu – Studenti       0-3

Vllaznia                                 pushim

Renditja

Nr.       Skuadra         N         F          H         Setet               Pikë

1. Studenti         18        14          4        46-21              41
2. Vllaznia         18        14          4        46-25              40
3. Tirana             18        11          7        42-24              37
4. Farka Volej    18        11          7        39-27              32
5. Teuta              18          9          9        35-36              25
6. Skënderbeu  18          3        15        12-46                9
7. Elbasani        18          1        17        10-51                5