ASNN – Elbasani pa trajner ka kurajën të bëjë fitoren e madhe me Farka Volejin, e cila tashmë është zhytur në fundin e grupit A të fazës eliminatore të Kupës së Shqipërisë. Pavarësisht se skuadra e Bardhit ka fituar setin e parë 25-21, e gjithë pjesa tjetër ka qenë e shkëlqyer për Elbasanit, që një ditë më parë i kishte marrë set Vllaznisë.
20-25, 21-25, 16-25 dhe skuadra e drejtuar nga kapiteni Kallajaxhiu, më pas në lojë me Agushin, Dulen, Kasën, Thanon, Gashin, Koçobinën, Daiun dhe Garunjën arrin të fitojë 3-1 duke treguar se dhe pa trajner e me lekë xhepi mund të jesh skuadër dinjitoze e të bësh përmbysje të mëdha. Dhe Elbasani duhet besuar…
Farka Volej – Elbasani 1-3
(25-22, 20-25, 21-25, 16-25)
Farka Volej: Qepa, Doda, Xhajkone, Deliu, Metani, Sejati, Topçiu (L), Aga (L) / Plaku, Murraku, Bega, Ismailaj, Alku, Kaperi. Trajner: D. Bardhi
Elbasani: Agushi, Kallajxhiu, Thano, Kasa, Dulja, Gashi, Koçubina (L) / Daiu, Garunja. Trajner: S’ka
Gjyqtarë: E. Zenullari, E. Papamihali (Tiranë)
