Dështon Studenti, ndërsa fituesja në fuqi e Kupës së Shqipërisë është eliminuar dje nga veprimtaria e dytë më i rëndësishme e volejbollit shqiptar të meshkujve. Dhe ajo që i ka rënë përsëri në “qafë” skuadrës së trajnerit Arben Sako ka qenë Farka Volej e homologut pasionant, Dritan Bardhi, e cila, brenda gjysmës së sezonit e ka mundur plot 3 herë.

Për më tepër e pati lënë dhe jashtë Kupës së Federatës Shqiptare të Volejbollit, që është veprimtaria e parë që nis sezoni i ri, duke e mundur 3-1. Me të njëjtin rezultat dhe dje, ndërsa Studenti ka mbetur kështu jashtë Kupës së Shqipërisë, kurse në kampionat është mundur po 3-0 nga Farka Voleji. Dhe në fakt humbja e djeshme nuk është se është pritur mirë nga trajneri i skuadrës Arben Sako.

Ky i fundit, që nga mesi i setit të 3-të e deri në fund ka pasur shumë pak gjëra për t’i thënë skuadrës, që kishte nisur të shkërmoqej pa pasur tentativë për kthim prapa. Madje situata është e atillë, sa që, në setin e 3-të, në rezultatin 18-15 për Farka Volejin, kur ka ardhur dhe pushimi i dytë për Studentin, Sako ka pasur dhe debate me Andi Lundrën, i cili që nga ai moment nuk është më lojë.

Sikurse ka pasur kërkesa dhe debate për të gjithë, aq sa në një moment është dëgjuar të thotë: “Ju jeni për t’iu ulëritur të gjithëve”. E ndërkohë i gjithë ky sezon jo i mirë i Studentit me eliminimin nga Kupa e Federatës Shqiptare të Volejbollit dhe Kupa e Shqipërisë, me vendin e 5-të në renditje, apo dhe me paraqitjen jo të mirë ndaj turqve të Zirat Bankasi Ankara i ka lënë të pakënaqur.

Madje edhe drejtorin e klubit shumësportësh Studenti, Blendi Nallbani, që në fillimsezonit në rindërtimin e ekipit nga e para kishte menduar të tjera gjëra. Për t’u përshëndetur ekipi simpatik i Farka Volejit, që kështu vazhdon të jetë një rival i denjë i Partizanit të Ylli Tomorit, me të cilin sot do të përballet për të ndarë vendin e parë dhe të dytë në grup.

Kupa e Shqipërisë 2018

Volejboll – Meshkuj

Kalendari i fazës eliminatore:

Grupi A

Dita e parë

(16 dhjetor 2016)

Farka Volej – Teuta             ora 3-0

Studenti – Partizani             ora 0-3

Dita e dytë

(17 dhjetor 2016)

Partizani – Teuta                              3-0

(25-12, 25-14, 25-17)

Farka Volej – Studenti                     3-1

(19-25, 25-19, 25-17, 25-21)

Renditja

Nr.       Skuadra         N.        F.         H.        Setet               Pikë

1. Partizani        2          2          0          6-0                  6
2. Farka Volej    2          2          0          6-1                  6
3. Studenti         2          0          2          1-6                  0
4. Teuta              2          0          2          0-6                  0

Dita e 3-të

(18 dhjetor 2016)

Teuta – Studenti                  ora 15:00

Farka Volej – Partizani        ora 17:00