Rrjeta shqiptare do ta ngrejë siparin e veprimtarive të saj me Kupën e Federatës Shqiptare të Volejbollit, pikërisht në 71-vjetorin e themelimit të organizmit që qeveris këtë sport në vend.

Gjithçka do të ndodhë në Pallatin e Sportit “Asllan Rusi”, nga data 23, deri më 25 shtator 2016, ndërsa gjysmëfinalet e femrave dhe të meshkujve do të luhen në sallën Nr. 2  të këtij impianti.

Kurse finalet, të cilat me shumë gjasa do të jenë drejtpërdrejt për sportdashësit edhe në ekranin e Rrjetit të Radio-Televizionit Shqiptar, do të luhen në sallën kryesore të “Asllan Rusit” në kryeqytet.

Formula është e ditur katër skuadrat e renditura të para në sezonin e kaluar mbi bazën e formulës 1-4 dhe 2-3. Fitues në fuqi të kësaj veprimtarie janë Barleti Volej për femra dhe Studenti për meshkuj.

Kupa e Federatës Shqiptare të Volejbollit

Kalendari i Femrave:

Gjysmëfinalet:

23 shtator 2016:

1) Barleti Volej – Teuta                     ora 17:00

2) Tirana – Skënderbeu                   ora 19:00

Finalja

25 shtator 2016

Fituese 1- Fituese 2                                    ora 17:00

Kupa e Federatës Shqiptare të Volejbollit

Kalendari i Meshkujve:

Gjysmëfinalet:

24 shtator 2016:

1) Studenti – Farka Voleji       ora 17:00

2) Tirana – Vllaznia                  ora 19:00

Finalja

25 shtator 2016:

Fituese 1- Fituese 2                        ora 19:00