ASNN – Volejbollistët e Kosovës e kanë fituar vetëm një set në 5 ndeshjet që i kanë luajtur deri më tash në Ligën e Argjendtë të Evropës, që është niveli i dytë i kësaj veprimtarie.
Ndërkohë volejbollistet e Kosovës nuk ia kanë dalë ende të fitojnë ndonjë set. Edhe ato i kanë humbur të 5 ndeshjet e deritashme. Pra të gjitha ndeshjet, vajzat e Kosovës i kanë humbur në 3 sete.
Humbjet e fundit për përfaqësueset në volejboll erdhën të mërkurën, kur u luajtën ndeshjet e parafundit në grup. Volejbollistët u thyen 0-3 nga Austria, ndërsa volejbollistet me të njëjtat shifra nga Suedia.
Me gjithë humbjet rresht te përfaqësueset, në volejboll ka optimizëm. Ai vërehet në deklaratat e dhëna pas ndeshjes. Në krahun tjetër, Shqipëria ka siguruar vendin në 4-shen finale të Ligës së Argjendtë të Evropës në volejboll për femra, por jo për meshkuj.
