Tirana në volejboll për femra është treguar një “zonjë e vërtetë shtëpie”, sepse e ka bërë gjithçka mirë për kalimin në turin gjysmëfinal të Kupës së Shqipërisë pas ndeshjeve çerekfinale, të luajtura në Sallën Sportive “Farie Hoti” në kryeqytet. Përtej kësaj, Vllaznia e cila nuk ka pasur forcën për të përballuar Tiranën duket se e ka përfunduar misionin e saj me kalimin në fazën gjysmëfinale.

Sepse do të jetë e vështirë të përballet denjësisht edhe me të kualifikuarat e grupit të Durrësit, që janë Barleti Volej e Teuta. Duke u ndalur tek ndeshja, Tirana që në setin e parë është vënë në udhëheqje të rezultati; 8-4, 14-5, 16-6, 21-11 dhe në fund 25-16. Diferencat bëhen edhe më të thella në setin e dytë; 8-3, 16-8 dhe 25-11. E po kështu edhe në setin e tretë, që Tirana e fiton 25-10 dhe krejt ndeshjen 3-0.

Pikëshënuesja më e mirë e ndeshjes është Nezaj me 13 pikë e ndjekur nga Blloku me 11 pikë. Në bllok ka dalë fituese Hoxha e Tiranës me tre mure fituese, kurse në shërbim ka qenë e saktë Agolli e Blloku e Tiranës me tre rezultative. Tirana në tre sete në total ka shënuar 75 pikë prej të cilave 60 vetë, kurse 15 pikë kanë ardhur nga gabimet e Vllaznisë.

Në krahun Vllaznia në tre sete realizoi në total 37 pikë prej të cilave 26 pikë vetë, kurse 11 pikë janë nga gabimet e bardhebluve. Në përgjithësi një paraqitje shumë e mirë e Tiranës, e cila në tre ndeshje nuk ka lëshuar asnjë set…

Tirana – Vllaznia 3-0

(25-16, 25-11, 25-10)

Tirana: Shkurti, Hoxha, Agolli, Nezaj, Pirra, Blloku, Sejfullai (L) / Tuci, R. Meta. Trajner: A. Gorenxa

Vllaznia: Picaku, Koçeku, Molla, Peteza, Qershia, Zhivanaj, Vistaraj (L) / Rranza. Trajnere: S. Goga

Gjyqtarë: E. Preka, E. Papamihali (Tiranë)

Kupa e Shqipërisë

Volejboll – Femra

Kalendari i fazës çerekfinale

Grupi B

(“Fahrie Hoti” – Tiranë)

Të martën:

Tirana – Flamurtari              3-0

Partizani – Vllaznia             1-3

Të mërkurën:

Tirana – Partizani                3-0

Flamurtari – Vllaznia           0-3

Të enjten:

Partizani – Flamurtari          3-0

Vllaznia – Tirana                  3-0

Renditja

Nr.       Skuadra         N.        F.         H.        Setet               Pikë

1. Tirana 3          3          0          9-0                  9
2. Vllaznia 3          2          1          6-4                  6
3. Partizani 3          1          2          4-6                  3
4. Flamurtari 3          0          3          0-6                  0