Tirana gozhdon Partizani, ndërsa skuadra e drejtuar nga Adrian Gorenxa është për rekordet Ginnes. E kjo për rezultatin e pritshëm 3-0, apo për diferencat e thella në sete, por për atë që kanë bërë mirë lojtaret e kësaj skuadre, të cilat tashmë e kanë kualifikuar për në fazën gjysmëfinale të Kupës së Shqipërisë. Mjafton të përmendësh 12 shërbimet me pikë të Klonarda Nezajt, tetë në setin e parë dhe katër në të dytin, e kupton diferencat e mëdha mes të dy skuadrave.

Madje edhe kur atëherë Nezaj nuk ka mundur të kthejë gjuajtjen e saj nga shërbimi me pikë nga vija e parë ka qenë e gatshme Pirra, Tuci, Shkurti e Blloku për të mos i dhënë kohë skuadrës së kuqe të reagojë. Për Partizanin edhe kthimi i trajnerit Roland Tare në stol, kjo pas dënimit për një ndeshje për shkak të kartonit të verdhë e të kuq që kishte marrë në takimin e fundit të fazës së parë të kampionatit ndaj Teutës, nuk duket se ka mjaftuar.

Partizani ka luajtur në një farë ekuilibri me Tiranën vetëm në dy setet e para deri tek pushimi teknik, teksa Tirana kryesonte 8-6. Më pas nis shkëputja në setin e parë. Nezaj nuk lëviz në shërbim deri thuajse në setin e parë, teksa Tirana rrit diferencat gradualisht; 11-6, 15-6, 16-6 dhe në fund 25-8. E njëjta gjë edhe në setin e dytë; 11-6, 16-6, 25-10. Tirana ka kohë për të aktivizuar dhe rezervat që nga Romina Meta, Agolli, Genta Lasku dhe në setin e tretë nuk ka më diskutime; 8-1, 16-2, 19-3 dhe në fund 25-5, kurse Tirana e ka kthyer ndeshjen me Partizani në një lojë argëtuese për veten, atje ku nuk ka toleruar asgjë.

Tirana – Partizani     3-0

(25-8, 25-10, 25-5)

Tirana: Shkurti, Pirra, Hoxha, Tuci, Nezaj, Sejfullai (L), Blloku / Agolli, Lasku, R. Meta. Trajner: A. Gorenxa

Partizani: Reka, Shehu, Shaba, Kaçani, Goxhaj, Agolli (L), Meçorapoj / Xhaferaj, E. Agolli, Balla. Trajner: R. Taraj

Gjyqtarë: E. Zenullari, E. Preka (Tiranë)

Kupa e Shqipërisë

Volejboll – Femra

Kalendari i fazës çerekfinale

Grupi B

(“Fahrie Hoti” – Tiranë)

Të martën:

Tirana – Flamurtari              3-0

Partizani – Vllaznia             1-3

Të mërkurën:

Tirana – Partizani                3-0

Flamurtari – Vllaznia           0-3

Të enjten:

Partizani – Flamurtari          ora 16:00

Vllaznia – Tirana                  ora 18:00

Renditja

Nr.       Skuadra         N.        F.         H.        Setet               Pikë

1. Tirana 2          2          0          6-0                  6
2. Vllaznia 2          2          0          6-1                  6
3. Partizani 2          0          2          1-6                  0
4. Flamurtari 2          0          2          0-6                  0