Bardheblutë e Adrian Gorenxës kanë pasur mundësinë e provës së të rejave, ndërsa shkëlqen përsëri Stela Agolli. Verdheblutë rezistojnë vetëm në një set e më pas nuk janë më në fushë. Paloka (Shkurti) dhe Xhixha janë shtysë për të rejat e formacionit bardheblu. Mirëpo luhet pikë më pikë deri në pushimin e parë teknik atje ku Tirana është në epërsi 8-7.

Mandej në të dytin është shkëputur 16-12 dhe në 18-12 Garunja merr pushimin e parë. Elbasani merr zemër. Poroçani është e saktë në pushim aq ngushtohet rezultati 18-15. 23-18 për Tiranën dhe fundi i setit të parë shënon shifrat 25-18. I dyti nis krejtësisht ndryshe për Tiranën që nuk lëshon për asnjë çast; 8-3, 16-5 dhe 25-10. Largohen Paloka (Shkurti) dhe Xhixha e në fushë Kokonozi (Hoxha) dhe Meta.

Por Tirana sërish funksionon si një asambël. 8-1, 16-6 dhe në fund 25-15 dhe krejt 3-0. Pikëshënuesja më e mirë e ndeshjes ishte Stela Agolli, me 16 pikë, e ndjekur nga Kushi e Tiranës, me 11 pikë, Xhixha e Tiranës, me 11 pikë, dhe Es. Garunja e Elbasanit, me 8 pikë. Në bllok ka dalë fituese Kushi e Tiranës, me dy mure të suksesshme, kurse në shërbim Fusha e Tiranës, me 5 të sakta pasuar nga Poroçani e Elbasanit me 3.

Po kështu, me radhë Paloka (Shkurti), Xhixha, Agolli e Hoxha kanë patur nga dy shërbime rezultative. Në total, në 3 sete Tirana, ka realizuar 75 pikë, prej të cilave 65 pikë vetë, kurse 10 pikë kanë ardhur nga gabimet e Elbasanit. Në anën tjetër, në 3 sete, Elbasani ka realizuar në total 42 pikë prej të cilave 25 pikë vetë, kurse 17 pikë kanë ardhur nga gabimet e Tiranës, që sidoqoftë, e ka merituar suksesin.

Tirana – Elbasani     3-0

(25-18, 25-10, 25-14)

Tirana: Paloka (Shkurti), Xhixha, Agolli, Kushi, Hoxha, Fusha, Shehi (L) / Shira, Kokonozi (Hoxha), Meta. Trajner: A. Gorenxa

Elbasani: Zhorda, Kokuja, Es. Garunja, Shadini, Gjeli, Bella (L), Poroçani / Beshiri, Cërriku, Kotorri. Trajnere: R. Garunja

Gjyqtarë: I. Fështi (Tiranë), M. Kondakçiu (Lushnjë)

Kampionati Kombëtar

i Volejbollit – Femra

Grupi A1

Java e dytë

(7-11 tetor 2016)

Të premten:

Partizani – Barleti Volej                  0-3

Të shtunën:

Tirana – Elbasani                             3-0

Skënderbeu – Teuta                                    0-3

Të martën:

Vllaznia – Lushnja                           ora 14:00

Renditja

Nr.       Skuadra         N.        F.         H.        Setet               Pikë

1. Barleti Volej   2          2          0          6-0                  6
2. Teuta              2          2          0          6-2                  5
3. Tirana             2          1          1          5-3                  4
4. Partizani        2          1          0          3-3                  3
5. Vllaznia         1          1          0          3-2                  2
6. Skënderbeu  2          0          2          2-6                  1
7. Elbasani        2          0          2          0-6                  0

8.       Lushnja         1          0          1          0-3                  0