Vllaznia është renditur në vendin e tretë në Kupën e Shqipërisë, teksa dje ka mundur 3-1 Teutën. E ka nisur mirë skuadra shkodrane lojën, teksa ka fituar dy setet e para 25-20 dhe 25-19. Por Teuta ka kthyer në lojë duke fituar setin e tretë 25-18. I katërti është i luftuar me dëshirën e durrsakeve për ta çuar në finale, kurse Vllaznia për ta mbyllur ndeshjen.

Ka triumfuar dëshira e vajzave të Sadije Gogajt, të cilat e kanë fituar setin 25-22 dhe krejt ndeshjen 3-1. Pikëshënuesja më e mirë Shqipe Molla me 19 pikë e ndjekur nga Begiçi me 15 pikë dhe Guza me 12 pikë. Në bllok ka dalë fituese Petëza e Vllaznisë me 5 mure rezultative, kurse në shërbim Shqipe Molla dhe Picaku e Vllaznisë me katër, si dhe Rexhepi i Teutës me katër, kurse Begiçi e Guza të Teutës me tre.

Në total në katër sete Vllaznia ka realizuar 93 pikë prej të cilave 70 pikë vetë, kurse 23 pikë kanë ardhur nga gabimet e Teutës. Në anën tjetër Teuta në katër sete ka realizuar 86 pikë prej të cilave 51 pikë vetë, kurse 35 pikë kanë ardhur nga gabimet e Vllaznisë, e cila e ka merituar vendin e tretë.

Vllaznia – Teuta                    3-1

(25-20, 25-19, 18-25, 25-22)

Vllaznia: Sh. Molla, Qershiza, Picaku, Koçeku, Peteza, Vistaraj (L), Zhivanaj / Rranza, A. Molla, Kiri (L). Trajnere: S. Gogaj

Teuta: Begiçi, Guza, Avdiu, Rexhepi, Dervishi (L), Disha, Saliu / Çuka, Hoxha. Trajner: E. Jazenxhiu

Gjyqtarë: A. Shehu, R. Mujo (Tiranë)

Kupa e Shqipërisë

Volejboll – Femra

Kalendari i fazës finale:

(11-12 mars 2016)

Të premten:

Barleti Volej – Vllaznia        3-0

Tirana – Teuta                      3-0

Të shtunën:

Për vendet 3-4:

Vllaznia – Teuta                    3-1

Finalja:

Barleti Volej – Tirana            3-1