Teuta e mbështetur fort tek eksperienca e Begiçit dhe Guzës, por dhe pa një organizatore të mirëfilltë, ia ka dalë të fitojë ndaj Partizanit, 3-0, dhe të hyjë në katërshen e më të mirave. Kur të mbetet vajtja në “play-off”-i në dorë. Kështu mund të cilësohet ballafaqimi i djeshëm i Partizanit me Teutën, që është luajtur në mesditë në sallën Nr. 2 të Pallatit të Sportit “Asllan Rusi”, ndërsa durrsaket mbështetur fort në eksperiencën e Begiçit dhe Guzës ia kanë dalë të jenë fituese 3-0.

E jo vetëm kaq, por dhe pa një organizatore të mirrëfilltë, sepse nuk është më në skuadër Saliu, ndërsa atë e bën Nurja, Teuta ka dhënë leksion se si mund të fitohet një ndeshje me shumë vullnet. Partizani ka vuajtur gërshetimin e lojtareve të eksperiencës me të rejat, ndërsa ato që duhet s’e kanë marrë përdore skuadrën për ta shtyrë drejt “play-off”-it. Në setin e parë pas një fillimi të ekuilibruar deri në 7-8, Teuta nis shkëputjen 9-12, 13-16, 13-19 dhe në fund 14-25.

I dyti nis mirë për Partizanin, që kryeson deri në 3-0. Por barazon Teuta, që shkëputet në 3-7 dhe më pas 4-8, 10-14, 10-16, 11-18, 13-25. Edhe i treti ka nisur me epërsinë e Partizanit 4-0. Por Teuta kthen menjëherë në 4-2, 8-6 dhe në pushimin e dytë teknik është në epërsi 15-16. Më pas 19-23 dhe në fund 20-25, ndërsa përfundon gjithçka 3-0 për Partizanin. Pikëshënuesja më e mirë Begiçi i Teutës me 13 pikë, e ndjekur nga Guza me 10 pikë, si dhe Shaba e Partizanit me 8 pikë.

Në bllok ka dalë fituese Begiçi i Teutës me dy rezultative, kurse në shërbim Guza e Teutës me 4 të sakta. Në total, në tre sete Partizani ka shënuar 47 pikë prej të cilave 32 pikë vetë, kurse 15 pikë kanë ardhur nga gabimet e Teutës. Në krahun tjetër, Teuta në 3 sete ka realizuar 75 pikë prej të cilave 53 pikë vetë, kurse 22 pikë kanë ardhur nga gabimet e Partizanit. Në përfundim, Teuta është në katërshe, sepse ndoshta i mbeti vajtja në katërshen e më të mirave në dorë.

Partizani – Teuta       0-3

(14-25, 13-25, 20-25)

Partizani: Reka, Shehu, Shaba, Shera (L), Meçorapoj, Xhaferraj, Kaçani / Goxhaj, E. Agolli, Fetaj Trajner: R. Tarja

Teuta: Begiçi, Guza, Nurja, Disha, Avdyli, Rexhepi, Dervishi (L) Trajner: E. Jazenxhiu

Gjyqtarë: E. Zguri (Tiranë), R. Kuka (Vlorë)

Kampionati Kombëtar

i Volejbollit – Femra

Grupi A1

Java e 14-të

(9 prill 2016)

Partizani – Teuta                  0-3

Barleti Volej – Tirana           1-3

Skënderbeu – Flamurtari   3-0

Elbasani – Vllaznia             0-3

Renditja

Nr.       Skuadra         N         F          H         Setet               Pikë

1. Tirana             14        13          1        40-4                39
2. Barleti Volej   14        13          1        40-4                39
3. Skënderbeu  14        10          4        30-16              28
4. Teuta              14          6          8        23-26              20
5. Vllaznia         14          6          8        21-26              18
6. Partizani        14          6          8        18-28              18
7. Elbasani        14          2        12          9-36                6
8. Flamurtari      14          0        14          1-42                0