Kampionet në fuqi të Barleti Volejbollit kanë bërë përmbysjen më të madhe të sezonit, nga 0-2 në 3-2 dhe tashmë janë vetëm një hap larg titulli. Ndërsa për bardheblutë e Tiranës, ka patur kontestime ndaj gjykimit të ndeshjes. Fundi i setit të dytë në një sulm të Barletit Volejit, kryesori Shehu e ka dhënë pikë për Tiranën, që ishte e 25-ta, ndërsa ndihmësja Kacadeji e ka cilësuar brenda topin.

Kaq ka mjaftuar që kapitenia Paloka (Shkurti), por dhe lojtaret e tjera të jenë tek gjyqtarja e vijës dhe vetëm ndërrimi i fushave ka qetësuar situatën. Por i gjithë tensioni i krijuar me ndihmësgjyqtarët është kthyer në një karton të verdhë për Paloka (Shkurti) në fillimin e setit. Ndërkohë ,një tjetër vendim i kontestuar nga Tirana ka qenë në setin e 5-të dhe të fundit të ndeshjes.

Një gjuajtje e Brahos është cilësuar brenda vijave kufizuese nga gjyqtarët, por që nuk ka qenë e tillë për trajnerin e bardhebluve, Adrian Gorenxa, që i pakënaqur është kthyer nga drejtuesit e Federatës Shqiptare të Volejbollit. Tek-tuk vendime të nxituara, apo të diskutuara të gjyqtarëve, si pasojë lojës jo fort të mirë të Barletit Volejit, pavarësisht se fitoi.

Kampionati Kombëtar

i Volejbollit – Femra

Programi i finaleve të “play-off”-it

për titullin “kampion”

22 prill 2016:

Barleti Volej – Tirana            3-1      (1-0)

(25-9, 23-25, 25-21, 25-21)

25 prill 2016:

Tirana – Barleti Volej                        2-3      (0-2)

(25-14, 25-21, 21-25, 16-25, 13-15)

28 prill 2016:

Barleti Volej – Tirana           ora 18:00

1 maj 2016:

Tirana – Barleti Volej           ora 18:00

(nëse do të jetë e nevojshme)

4 maj 2016:

Barleti Volej – Tirana           ora 18:00

(nëse do të jetë e nevojshme)