Partizani i Roland Tares më në fund e ka gjetur “viktimën” në grupin B të fazës eliminatore të Kupës së Shqipërisë në volejboll për femra. Dhe ajo e ka emrin Flamurtar, që për hir të së vërtetës ka bërë një paraqitje aspak premtuese për të mos thënë zhgënjyese. Tek Partizani dje ka munguar kapitenia Vankita Reka, por gjithsesi duket se në skuadër nuk është ndjerë. Sepse të kuqet edhe duke pasur lojtare të përvojës si Shehu e Shaba ia kanë dalë që në fund të jenë fituese me shifrat 3-0.

Përfundimet e seteve nuk kanë nevojë për koment, sepse janë aq të thella sa që ndeshja mes këtyre dy skuadrave nuk ka qenë as në kufinjtë e një takimi stërvitor. Pasi me paraqitjen e Flamurtarit, përtej rritjes morale të të kuqeve, Partizani nuk ka pasur asgjë për të fituar në elementët teknik e taktik. 25-8, 25-13, 25-13 dhe në fund 3-0. Pikëshënuesja më e mirë e ndeshjes është Isakaj e Flamurtarit me 9 pikë e ndjekur nga Shehu, Shaba të Partizanit e Çaushaj e Flamurtarit me nga 6 pikë, si dhe Meçorapoj e Partizanit me 5.

Në bllok kanë dalë fituese Shehu e Partizanit dhe Çaushaj e Flamurtarit me tre mure fituese. Kurse në shërbim janë dalluar Shehu e Partizanit me shtatë rezultative, pasuar nga E. Agolli e Partizanit me pesë rezultative, si dhe Kaçani e Partizanit me tre. Në total në tre sete Partizani ka realizuar 75 pikë prej të cilave 48 pikë vetë, kurse 17 pikë kanë ardhur nga gabimet e Flamurtarit. Në krahun tjetër Flamurtari në 3 sete ka realizuar 34 pikë prej të cilave 24 pikë vetë, kurse 10 pikë kanë ardhur nga gabimet e vlonjateve.

Partizani – Flamurtari           3-0

(25-8, 25-13, 25-13)

Partizani: Shehu, Kaçani, Meçorapoj, Shaba, Goxhaj, Xhaferaj, Agolli (L) / Shera (L), E. Agolli. Trajner: R. Tarja

Flamurtari: Mezinaj, Memetaj, Petritaj, Çaushaj, Isakaj, R.Isakaj / Tafili, Malaj. Trajner: T. Driza

Gjyqtarë: E. Zenullari, A. Shehu (Tiranë)

Kupa e Shqipërisë

Volejboll – Femra

Kalendari i fazës çerekfinale

Grupi B

(“Fahrie Hoti” – Tiranë)

Të martën:

Tirana – Flamurtari              3-0

Partizani – Vllaznia             1-3

Të mërkurën:

Tirana – Partizani                3-0

Flamurtari – Vllaznia           0-3

Të enjten:

Partizani – Flamurtari          3-0

Vllaznia – Tirana                  3-0

Renditja

Nr.       Skuadra         N.        F.         H.        Setet               Pikë

1. Tirana 3          3          0          9-0                  9
2. Vllaznia 3          2          1          6-4                  6
3. Partizani 3          1          2          4-6                  3
4. Flamurtari 3          0          3          0-6                  0