ASNN – Pas takimit të së premtes midis Barleti Volejit dhe Teutës, që u fitua nga universitaret me rezultatin 3-0, janë luajtur të shtunën edhe 3 ndeshjet e javës së 8-të të nivelit më të lartë të Kampionatit Kombëtar të Volejbollit për Femra, që njihet si Grupi A1 dhe 3 skuadrat që janë përfshirë në betejën për një vend në 4-shen që të çon në “play-off”-in final kanë marrë fitore bindëse.
Tirana e vendit të dytë ka marrë një fitore në 3 sete ndaj Studentit, duke u ngjitur në kuotën e 20 pikëve, 4 më pak se kryesueset e Barleti Volejit, por një pikë më tepër sesa Partizani i vendit të tretë, që po në 3 sete ka triumfuar në kryeqytet ndaj Flamurtarit. Ndërkaq, Skënderbeu i vendit të 5-të ka mbajtur gjallë betejën me Teutën, duke fituar 3-1 në Shkodër ndaj Vllaznisë dhe duke qenë vetëm një pikë pas durrsakeve.
Të premten pasdite, Barleti Volej ka fituar në sallën Nr. 2 të Pallatit të Sportit “Asllan Rusi”, duke mundur 3-0 Teutën.Në fakt me përjashtim të setit të tretë, atje ku në momente të caktuara Gurabardhi ka pasur dhe divergjenca me gjyqtarin kryesor të këtij takimi, Eduard Preka, i cili i ka treguar dhe kartonin e verdhë, në shumicën e lojës Barleti Volej ka qenë superior.
Kampionati Kombëtar
i Volejbollit – Femra
Grupi A1
Java e 8-të
(13-14 shkurt 2015)
Të premten:
Barleti Volej – Teuta 3-0
Të shtunën:
Studenti – Tirana 0-3
Partizani – Flamurtari 3-0
Vllaznia – Skënderbeu 1-3
Renditja
Nr. Skuadra N. F. H. Setet Pikë
- Barleti Volej 8 8 0 24-2 24
- Tirana 8 7 1 22-5 20
- Partizani 8 6 2 20-7 19
- Teuta 8 4 4 13-12 13
- Skënderbeu 8 4 4 13-14 12
- Vllaznia 8 2 6 8-19 6
- Flamurtari 8 1 7 3-23 2
- Studenti 8 0 8 2-24 1
