ASNN – Flamurtari ka djegur shansin e vet për t’u ngjitur në nivelin më të lartë të Kampionatit Kombëtar të Volejbollit për Femra, që njihet si grupi A1, Korabi, me fitoren e djeshme në Vlorë, ka hedhur një hap të sigurt drejt elitës.

Një entuziasëm i madh në Pallatin e Sportit “Flamurtari”, ndërsa nuk kanë munguar as tifozët nga Peshkopia. Seti i parë ka pasur mjaft emocione, por në fund është Korabi që fiton 25-20.

Edhe seti i dytë është me emocione të forta, sepse Flamurtari përmbys në 23-23. Por përsëri fiton Korabi 25-23. Dhe në të tretin vlonjatet e dorëzuara i kanë dhënë mundësinë dibraneve të fitojnë 25-12 dhe krejt ndeshjen 3-0.

Korabi feston me tifozët e vet këtë rikthim në Kategorinë Superiore të volejbollit të femrave. Në takimin tjetër të javës së 9-të të Grupit A2, Apolonia e ka fituar në 3 sete derbin me Divjakën, duke kapërcyer Flamurtarin në renditje, tanimë me 13 pikë.

Flamurtari – Korabi               0-3

(24-26, 23-25, 12-25)

Flamurtari: Isakaj, Ademi, Memeti, Çaushaj, Abedini, Llanaj, Faqolli, Kulla, Gjoni, Guci, Shehu, Kalo. Trajner: Y. Lulushi

Korabi: Kovaçi, Stërmilla, Zebi, Xhelili, Jashovi, E. Hidri, A. Hidri, Xheoliku, Er. Hidri. Trajner: F. Bulku

Gjyqtarë: E. Zguri, E. Dusha (Tiranë)

Kampionati Kombëtar

i Volejbollit – Femra

Grupi A2

Java e 9-të

(18 mars 2017)

Të shtunën:

Apolonia – Divjaka              3-0

Flamurtari – Korabi              0-3

Mirdita                                    pushim

Renditja

Nr.       Skuadra         N.        F.         H.        Setet               Pikë

1. Korabi                        7          6          1          19-4                18
2. Apolonia        8          4          4          17-14              13
3. Flamurtari      7          4          3          13-11              12
4. Mirdita            7          4          3          13-12              11
5. Divjaka           7          0          7            0-21                0