Barleti Volej dhe Teuta janë të sigurta që në hapat e para për t’u kualifikuar për në fazën gjysmëfinale të Kupës së Shqipërisë. Thuhet kështu sepse i kanë fituar ndeshjet e tyre të para, ndërsa grupi A është duke i zhvilluar takimet në Pallatin e Sportit “Ramazan Njala” të Durrësit.
Barleti Volej ndoshta e ka pasur më të lehtë se sa Teuta, sepse për rreth 50 minuta e ka nxjerrë jashtë loje Elbasanin. Shifrat e seteve flasin vetë dhe nuk kanë nevojë për shumë koment; 25-13, 25-15 dhe 25-13. Më interesante ka qenë ndeshja e Teutës me Skënderbeun, sepse korçaret, të cilat gjatë fazës së parë të kampionatit kanë demonstruar një formë shumë të mirë, nuk janë dorëzuar lehtë.
Përtej setit të parë, të cilën durrsaket e kanë fituar lehtësisht 25-13 në dy të tjerët Teuta ka vuajtur. Madje në setin e dytë gjithçka ka kaluar në pikët shtesë, atje ku Teuta ka fituar 28-26. Edhe i treti është i ekuilibruar, por në fund ka fituar përsëri skuadra vendëse, 25-21. Kësisoj Barleti Volej dhe Teuta kanë hedhur hapat e para drejt kualifikimit
Barleti Volej – Elbasani 3-0
(25-13, 25-15, 25-13)
Teuta – Skënderbeu 3-0
(25-13, 28-26, 25-21)
Kupa e Shqipërisë
Volejboll – Femra
Kalendari i fazës çerekfinale
Grupi A
(“Ramazan Njala” – Durrës)
Të martën:
Barleti Volej – Elbasani 3-0
Teuta – Skënderbeu 3-0
Të mërkurën:
Elbasani – Skënderbeu ora 16:00
Barleti Volej – Teuta ora 18:00
Të enjten:
Skënderbeu – Barleti Volej ora 16:00
Teuta – Elbasani ora 18:00
Renditja
Nr. Skuadra N. F. H. Setet Pikë
- Barleti Volej 1 1 0 3-0 3
- Teuta 1 1 0 3-0 3
- Elbasani 1 0 1 0-3 0
- Skënderbeu 1 0 1 0-3 0
