ASNN – Në grupin A të fazës çerefinale të Kupës së Shqipërisë në volejboll për femra, ndeshjet e të cilit u zhvilluan në Pallatin e Sportit “Ramazan Njala” të Durrësit, pas Barleti Volej është kualifikuar edhe Teuta.
Një gjë e pritshme, sepse durrsaket e kanë shfrytëzuar maksimalisht ndeshjen e fundit në grup me Elbasanin, teksa kanë fituar 3-0. Ndonëse ka pasur një farë rezistence nga Elbasani, Teuta ia ka dalë të jetë fituese në të tria setet me rezultatet 25-18, 25-17 dhe 25-16.
Të njëjtën gjë ka bërë edhe Barleti Volej. Madje trajneri i kësaj skuadre, Hasan Gurabardhi, ka treguar se ka luajtur në pjesën më të madhe të ndeshjes me lojtaret rezervë.
Dhe ia ka dalë, teksa ka fituar 25-18, 25-15 dhe 25-17. Në përfundim Barleti Volej dhe Teuta janë në fazën finale të Kupës së Shqipërisë në volejboll për femra, që do të mbahet vitin e ardhshëm.
Barleti Volej – Skënderbeu 3-0
(25-18, 25-15, 25-17)
Teuta – Elbasani 3-0
(25-18, 25-17, 25-16)
Kupa e Shqipërisë
Volejboll – Femra
Kalendari i fazës çerekfinale
Grupi A
(“Ramazan Njala” – Durrës)
Të martën:
Barleti Volej – Elbasani 3-0
Teuta – Skënderbeu 3-0
Të mërkurën:
Elbasani – Skënderbeu 0-3
Barleti Volej – Teuta 3-0
Të enjten:
Skënderbeu – Barleti Volej 0-3
Teuta – Elbasani 3-0
Renditja
Nr. Skuadra N. F. H. Setet Pikë
- Barleti Volej 3 3 0 9-0 9
- Teuta 3 2 1 6-3 6
- Skënderbeu 3 1 2 3-6 3
- Elbasani 3 0 3 0-9 0
