Barleti Volej është “kampione e dimrit” në volejboll për femra, por dje nuk ka shkëlqyer në lojën e vet ndaj Vllaznisë. Madje ka humbur një set dhe shkodranet me pak më shumë zgjuarsi mund ta kishin futur në të tjera zhvillime ndeshjen e djeshme. Sepse për hir të së vërtetës kanë merituar më shumë. Në setin e parë Barleti Volej ka kryesuar 8-7, 14-7, 16-9, 19-14 dhe 25-19.

I dyti është sa “hap e mbyll sytë” 25-10 për Barletin Volej duke krijuar kështu përshtypjen se do të jetë një fitore e lehtë për kampionet e trajnerit Hasan Gurabardhi. Por nuk ndodh kështu. Vllaznia reagon dhe në setin e tretë është gjithnjë në udhëheqje të rezultatit 2-5, 6-8, 10-11, 10-14, 11-16, 18-22 dhe në fund 20-25. Madje shkodranet dhe setin e katërt e kanë nisur në epërsi 1-4 dhe, me shumë vështirësi Barleti Volej ka përmbysur në 8-7, 13-7, 16-8, 24-14 dhe 25-16 e 3-1.

Pikëshënuesja më e mirë e ndeshjes ishte Braho, e Barletit Volejit, me 25 pikë. Në bllok ka dalë triumfuese Petëza, e Vllaznisë, me 3 mure fituese, kurse, në shërbim, Bego, e Barletit Volejit, me 8 rezultative. Në total, në 4 sete, Barleti Volej ka shënuar 95 pikë, prej të cilave 72 pikë i ka shënuar vetë, kurse 23 pikë kanë ardhur nga gabimet e Vllaznisë.

Nga ana e tyre, në 4 sete, shkodranet kanë shënuar 70 pikë, prej të cilave 44 pikë vetë, kurse 26 pikë kanë ardhur nga gabimet e Barletit Volejit. Për t’u evidentuar është se ka dhe momente tensioni, aq sa gjyqtari Eduard Preka ka ndëshkuar me karton të verdhë trajnerin e Barletit Volej, Hasan Gurabardhi.

Barleti Volej – Vllaznia                     3-1

(25-19, 25-10, 20-25, 25-16)

Barleti Volej: Braho, Hasku, Xheka, F. Picaku, Bego, Fagu (L), Tuci / Ligaj, Neli, Brati, Xhelilaj. Trajner: H. Gurabardhi

Vllaznia: L. Picaku, Peteza, Koçeku, A. Molla, Sh. Molla, Vistaraj (L), Kiri (L) / Zhivani. Trajnere: S. Goga

Gjyqtarë: E. Preka, K. Agolli (Tiranë)

Kampionati Kombëtar

i Volejbollit – Femra

Grupi A1

Java e 7-të

(12-14 nëntor 2016)

Të shtunën:

Barleti Volej – Vllaznia                    3-1

Lushnja – Elbasani                         3-0

Tirana – Skënderbeu                      3-0

Të hënën:

Partizani – Teuta                              ora 18:00

Renditja

Nr.       Skuadra         N.        F.         H.        Setet               Pikë

1. Barleti Volej   7          7          0          21-3                20
2. Teuta              6          5          1          17-5                15
3. Partizani        6          4          2          14-8                13
4. Tirana             7          4          3          15-10              13
5. Vllaznia         7          4          3          13-14              10
6. Lushnja         7          2          5            9-17                5
7. Skënderbeu  7          1          6            7-19                5
8. Elbasani        7          0          7            1-21                0