Barleti Volej e ka fituar ndeshjen e parë të kampionatit me Lushnjën, por nuk ka luajtur me petkun e kampiones. Ka qenë bindëse vetëm në setin e dytë, ndërsa në dy të tjerët fort e diskutueshme. Aq sa trajneri Hasan Gurabardhi, ashtu sikurse dhe në finalen e Kupës së Federatës me Tiranën, ka qenë përsëri e pakënaqur me titullaret e tij. Lushnja e ardhur nga grupi A2 edhe duke pasur përvojën e Jola Gjermenit, por dhe të Xhyliut e Llupos, apo dhe të tjera, mund dhe duhet të bënte surprizën.

Sigurisht që i nevojitet një dorë tjetër në drejtim, sepse trajnerja Allkanjari, duke shfrytëzuar dy pushimet e saj, përtej pushimeve teknike, mund ta kishte ndalur vrullin e kampioneve. E sigurt që kjo Lushnjë mund t’i hapë punë cilitdo kundërshtari. Në setin e parë Lushnja e ka nisur mirë, teksa ka kryesuar deri në 0-4. Ka kthyer Barleti Volej në 8-7, 14-13, 16-13 dhe 25-22. Në të dytin është e papërmbajtshme teksa është shkëputur në 10-0, 16-1 dhe në fund 25-14.

Në të tretin përsëri ka kryesuar në 8-5, 13-12, 16-14 dhe 23-20. Pikëshënuesja më e mirë e ndeshjes është Braho e Barletit Volejit, me 15 pikë, e ndjekur nga Xhyliu e Lushnjës, me 11 pikë. Ndërkohë, në bllok ka dalë fituese Picaku i Barletit Volej me 3 mure të suksesshme, ndërsa në shërbim ka dalë fitues Xhyliu, me 4 rezultative dhe Braho e Barletit Volej me 3 rezultative. Në total, në 3 sete Barleti Volej ka shënuar 75 pikë prej të cilave 53 vetë.

Kurse 22 pikë kanë ardhur nga gabimet e Lushnjës. Në anën tjetër, në 3 sete, Lushnja ka realizuar në total 56 pikë, prej të cilave 34 pikë vetë, kurse 22 pikë kanë ardhur nga gabimet e kampioneve. Pra një ndeshje të barabartë, që Gurabardhi sigurisht që nuk mund të jetë i kënaqur edhe pse ka fituar 3-0.

Barleti Volej – Lushnja         3-0

(25-21, 25-14, 25-20)

Barleti Volej: Xheka, Zeqirllari (L), Bego, Braho, Hasku, Picaku, Tuci / Çaushaj, Çelaj, Xhelilaj, Brati, Ligaj. Trajner: H. Gurabardhi

Lushnja: Xhyliu, Llupo, Meta, J. Gjermeni, E. Gjermeni, Nexhipi, Gjika (L). Trajnere: E. Allkanjari

Gjyqtarë: E. Kurti (Tiranë), R. Tafili (Shkodër)

Kampionati Kombëtar

i Volejbollit – Femra

Grupi A1

Java e parë

(1 tetor 2016)

Të shtunën:

Skënderbeu – Vllaznia       2-3

Teuta – Tirana                      3-2

Elbasani – Partizani                        0-3

Barleti Volej – Lushnja        3-0

Renditja

Nr.       Skuadra         N.        F.         H.        Setet               Pikë

1. Barleti Volej   1          1          0          3-0                  3
2. Partizani        1          1          0          3-0                  3
3. Teuta              1          1          0          3-2                  2
4. Vllaznia         1          1          0          3-2                  2
5. Skënderbeu  1          0          1          2-3                  1
6. Tirana             1          0          1          2-3                  1
7. Elbasani        1          0          1          0-3                  0
8. Lushnja                     0          1          0-3                  0